Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 107r
Buchedd Beuno
107r
yach ac a sychaỽd y chỽys y ar y hỽyneb. Ac ae gỽnaeth
duỽ hi a beuno yn holl yach. Yn|y lle y|syrthyaỽd y|gỽa+
et ar|y dayar. y kyuodes ffynnyaỽn odyno. ar|ffynna+
ỽn honno hyt hediỽ yssyd yn rodi yechyt y dynyon ac
anyueileit oc eu heinyeu a|e clỽyfeu. Ar|ffynnaỽnn
honno a|enỽit o enỽ y vorỽyn ac a|elỽit ffynnaỽn wen+
vreỽy. A llaỽer o|r a|ỽelsant hynny a gredassant ygrist.
Ac vn o rei a gredaỽd yna vu gatỽan vrenhin gỽyned.
a hỽnnỽ a|rodes y veuno laỽer o|dir a|dayar. A gỽedy
marỽ katuan yd aeth beuno y ymỽelet a|chadỽalla+
ỽn vab catuan oed vrenhin gỽedy catuan. Ac erchi a
oruc beuno tir y catuan. kanyt oed idaỽ yn|y kyuyl
hỽnnỽ le y ỽediaỽ duỽ nac y bressỽylaỽ yndaỽ. Ac yna
y|brenhin a|rodes y veuno le yn aruon a|elỽir gỽared+
aỽc. A beuno a rodes yr brenhin gỽaell eur a rodassei
gynan vab brochỽel idaỽ yntev pann uuassei varỽ.
Ar ỽaell honno a|dalei trugein mu. Ac yno yr adeila+
ỽd beuno eglỽys. ac y dechreuaỽd adeilat mur yn|y
kylch. Ac val yd oed dydgỽeith yn gỽneuthur y mur
hỽnnỽ a|e disgyblon ygyt ac ef. nachaf y gỽelynt yn
dyuot attunt gỽreic a|mab neỽyd eni yn|y harffet. Ac
yn erchi y veuno vendigaỽ y|mab. heb·y|beuno ha|ỽreic
arho origin yny orffennom hynn. ar mab yn ỽylaỽ val
nat oed haỽd y|diodef. ha|ỽreic heb·y beuno ffest a|beth
yr ỽyl y|mab. ha ỽrda sant heb y ỽreic y|mae achos idaỽ
| « p 106v | p 107v » |