Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 119r
Ystoria Adrian ac Ipotis, Credo Athanasius
119r
y|mab a|attebaỽd yna idaỽ val hynn. Mi yỽr gỽr a|th
oruc ti ac a|th prynnaỽd yn prit. Ac yna y|dysgynna+
ỽd y oruchelder y|neb o|r lle y|pann|dathoed. Yr amhe+
raỽdyr yna a ostyngaỽd ar tal y lin a|diolỽch a|oruc
y|duỽ hollgyuoethaỽc yr hynt honno. A|gỽedy hyn+
ny ymhoelut a|oruc ar weithredoed gobrỽyaỽl. Ac
alussennev gann ỽneuthur gogo nnyant ac ard+
dunyant yr maỽred ac enryded y|duỽ o|r nef. Ac
yn|y mod hỽnnỽ y|teruynnha ymdidan idrian am+
heraỽdyr ac Jpotis vab ysprydaỽl duỽ. AmeN.
*Val hynn y|digaỽnn y|tat. Ar mab. Ar yspryt glan
vot yn vn duỽ. nyt amgen noc yn ỽir dipedrus.
PWy|bynnac a|vynnho iachau y eneit a|e gorff.
Reit yỽ idaỽ ef yn|gytaf* peth kynnal ffyd gy+
ffredin eglỽỽys* iessu grist kanys pỽy|bynnac ny|s k*
kynnhalyo hi yn gyfyaỽn ac yn|diuei. diogel yỽ idaỽ
y kyll y eneit a|e gorff yn dragyỽydaỽl. ffyd gyffredin
eglỽys grist yỽ. Credu ohonom ni yn vn duỽ yn|y trin+
daỽt. Ar trindaỽt yn vn duỽ a|e hannrydedv yn vfyd
ac yn garedic. Sef yỽ hynny. credu yr vn duỽ yn teir
person. Ar teir person yn vn duỽ. Ac eissoes ny dylyỽn yr
yr*|hynny credu bot y|tat. ar mab. ar|yspryt glan
yn|vn person diỽahan val y|maent yn vn duỽ. na|chre+
du eu bot yn vn tri duỽ. Val y|maent yn|teir personn.
The text Credo Athanasius starts on line 12.
| « p 118v | p 119v » |