Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 14v
Ystoria Lucidar
14v
kannys dyn a|dylyei vot yn vfyd y|veddyant
duỽ ac o|e ewyllys. A|mỽy yỽ ewyllys duỽ no|r
holl vyt. kannys pei sauut ti ger bronn duỽ
a|dyỽedut o|dyn vrthyt. y|difflannei y|byt oll.
onnyt edrychut dracheuen. a|dyỽedut o duỽ
yna. ny mynnhaf. i. edrych ohonat ti drache+
uen. namyn edrych arnnaf|i. ny|dylyut ti tre+
mygv duỽ yr hỽnn ysyd lewenyd y|dynyon.
Ac egylyon yr rydit yr byt tranghedic. a
hynny a|wnaeth adaf seuyll ger bronn duỽ
ar kythreul yn galỽ arnaỽ edrych a oruc ef
dracheuyn. Ac ỽrth hynny moe uu y|pechaỽt
hỽnnỽ ry|wnaeth noc y|gallei yr holl vyt y
diỽygv. kannys am wnneuthur ohonaỽ y
chwe|pechaỽt marỽaỽl yn|yr vn. am|hynny y
treiglaỽd ef y|chwech|oes yn|y ol y aghev. Pa|rei
vu y|rei hynny. kynntaf vu syberỽyt. pann vyn+
naỽd vot yn gyffelyb y|duỽ. Am hynny y|gwna+
ethbỽyt ef yn issaf o|bop peth. Ac ef kynn o
hynny yn arglỽyd ar|bop beth. Ac am hynny
y|dywedir. fieid yỽ ger|bronn duỽ paỽb o|r a|dyrch+
afaỽd y|gallonn. Yr eil peth annvfyd vu. pann
aeth dros y|gorchymyn. ac am hynny annvfyd
yỽ pob peth idaỽ yntev o|r|a|oedynt darestygedic
| « p 14r | p 15r » |