Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 18r
Ystoria Lucidar
18r
Y pymet. ysgriuennv a|wnnaethpỽyt yr holl vyt
y|dalu sỽllt y|rufein. Chỽechet. deng|mil|ar|huge+
in o|r rei a|ymỽrthodes a duỽ. A|las yn|yr|vn dyd.
Seithuet. yr annyueil mut a|dyỽat. Mi a|vynn+
wn wybot ystyr y|rei hynny. A|e rinỽedev. Sef
a|arỽydockant. y|seint. Ar seren rac eglur. yỽ.
y pennaf o|r seint. Sef yỽ hỽnnỽ krist. Y|kylch
eur yr|hỽnn a|disgleiraỽd yg|kylch yr heul. Ar+
rỽydockaa eglỽys duỽ. a oleuhaa o heul y|wiro+
ned. Ac a|goronaỽd o borffor y|diodeifeint eff. Y
ffynnaỽn o olew a dardaỽd o|r dayar. yỽ ffynnyaỽn
y|drugared a|lithraỽd o|r wyry veir. Tagneued a
uu. yn|y byt. pann doeth gỽir tagneued yr dayar.
Ysgriuennv y|byt a|wnnaethpỽyt. Ar dangos
ev bot yn darystyngedic yr gwir vrawdyr. Yr
rei a|las. a|dengys ydant yg|kyfyrgoll y|nifer
a|ymỽrthotto a duỽ ac a|e orchymynnev. Yr an+
nyueil mut a dywat. o achos ymchỽelut pobyl
y|sarascinnyeit y voli duỽ. Paham y|doeth y|tri
brenhin ar|teir anrec y adoli krist. Y|dangos
mynnv ohonaỽ tynnv attaỽ teir rann y|dayar.
nyt amgen. yr asia. affrica. europa. Paham y
ffoes yr eifft mỽy noc y|wlat arall. Y|dangos
vot yn wir y voessen y|dỽyn ohonnỽ* plant adaf
o|geithiỽet kythreul. megys y|duc moyssen
| « p 17v | p 18v » |