Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 24v
Ystoria Lucidar
24v
rỽ maroryn vffernnaỽl yn|y genev wyntev.
yn lle bara. a gwenỽyn dreigyev ynn lle gwin.
megys y|dyweit tiprianus. Ponyt vn ryw a
gymerth iudas. a|phedyr. nac ef. peder a ga+
raỽd yr arglỽyd. Ac vrth hynny y|kymerth
y|rinỽed. a|e nerth. A Judas a|e kassaaỽd. ac
vrth hynny. ynn ol y|tameit hỽnnỽ yd aeth y
kythreul yntev yndaỽ. A|dylyir vfuyd ̷+
hav y|ryỽ offeireit hynny. lle y gorchymyn·ont
wy da. ef a|dylyir bot yn vfuyd y|duỽ. Ac nyt
vdunt wy. lle y|dyscont wyntev drỽc. ef a|dy+
lyir ev tremygu. kannys reit yỽ vfuydhav y
duỽ ynn vỽy noc y|dynyon. A|allant wy ellỽg.
nev dillỽg. gallant. onny bydant wahardadic*
o|varnn eglỽys. kannys krist e|hun drỽy ev
gỽassannaeth wy yssyd yn rỽymaỽ. Ac yn ellỽg.
O bydant hagen wahardedic wyntev ny|s gall+
ant. kannys tra uu Judas gyt a|r ebestyl. ef
a|bregethaỽd. Ac vedydyaỽd. Ac a|wnnaeth
wyrthev. A gỽedy y|gilyaỽ y|vrthunt. ef a|ym+
dangosses megys gelyn kyhoedaỽc. Velle y|tra
vydont wyntev yg|kyffredinrỽyd yr eglỽys.
ef a|vyd kadarnn pob rinỽed a|wnnelont. pryt
na bont wyntev. diffrỽyth vyd eu gỽeithredo+
ed. Ac vrth hynny bleidyev ynt. paỽb a|dyly+
| « p 24r | p 25r » |