Rhydychen, Llsgr. Coleg yr Iesu 57 – tudalen 116
Llyfr Blegywryd
116
a pha|le bynnac y ỻader y carỽ. roder chỽarthaỽr
ỽr* tir o·honaỽ. Pa ffordaỽl bynnac a|vratho
bỽystuil gỽyỻt ar fford yn fforest brenhin.
erlityet ef hyt tra|e gaỻo. ac o|r|diwed kymeret.
ac o|r dieingk y·dan y olỽc nac erlityet Pa
vỽystuil bynnac a|gaffo dyn yn uarỽ ar dir
dyn araỻ. o|r byd hyys y gic. perchen y tir bie+
ivyd. a|r neb a|e caffo a|geiff y chwarthaỽr bla+
en. os hỽch coet vyd. Os ỻỽdyn araỻ vyd y
chỽarthaỽr ol a geiff. Os|bỽystuil anhyys a
geffir ueỻy. perchen y tir a dyry keinyaỽc
drostaỽ y|r neb a|e kaffo. Y lle y gossotter kỽn
y eryl. y kyntaf o·honunt a|gymero iỽrch nev
gatno. neu ysgyuarnaỽc. ef a|e berchen bieiuyd.
Gỽerth ỻostlydan. yỽ. chweugeint. Gỽerth be+
leu yỽ pedeir ar|hugeint. ~ ~ ~ ~ ~ ~
O R ỻedir ki neu o|r|dygir ledrat. camlỽ+
rỽ a|delir drostaỽ. Dros gi kyndeiry+
aỽc na thros y drỽc a|wnel ny diwygir dim.
ỻỽ vn dyn yssyd gỽbyl y wadu ki. Gỽerth ke+
| « p 115 | p 117 » |