Rhydychen, Llsgr. Coleg yr Iesu 57 – tudalen 135
Llyfr Blegywryd
135
ac vn cryman. a|r ỻin. a|r ỻinat. a|r gỽlan. a|r
tlysseu oỻ. dyeithyr eur neu aryant. Y rei
hynny o|r bydant yn deu hanner y rennir. y
gỽr a|geiff yr yscubaỽr. a|r yt a|vo ar y daear. ac
yn|y daear. a|r ieir. a|r katheu. O|r byd petheu ere+
iỻ y wreic a|e keiff. Y wreic a|geiff y kic yn|heli
a heb heli. Y gỽr bieu y kic a|r caỽs dyrchaf+
edic oỻ. a|r wreic y caỽs yn heli. a heb heli. a|r
gỽr bieu yr emenyn bỽlch. a|r bakyneu bỽlch.
a|r caỽs bỽch*. a|r wreic a|geiff o|r blaỽt. kyme+
int ac a|aỻo y|dỽyn rỽng y dỽylaỽ ỽrth penn
y|deulin o|r|geỻ y|r ty. Pob un a|geiff y wisgo+
ed e|hun yn gỽbyl. dyeithyr y mentyỻ a ren+
nir. O|r gat gỽr y wreic yn anghyfreithyaỽl.
a|dỽyn araỻ attaỽ. y wreic a|dyly trigyaỽ yn
y thy hyt ym|penn y naỽuettyd. ac yna o|r goỻ+
yngir hi y ỽrth y gỽr yn hoỻaỽl. pob peth o|r
eidi hi a|dyly mynet o|r ty yn ol y hoỻ|da. Ac
odyna gan dỽyn y|ỻaỻ y|r ty ef a|dyly rodi di+
lystaỽt y|r wreic kyntaf. kany|dyly un gỽr
| « p 134 | p 136 » |