Rhydychen, Llsgr. Coleg yr Iesu 57 – tudalen 239
Llyfr Blegywryd
239
kyfrif. namyn o|r byd y ryỽ erỽ honno yndaỽ.
y rannu o|r maer a|r|kyngheỻaỽr yn|gyffredin
y|baỽp kystal a|e gilyd. ac ny dyly neb kychỽ+
yn o|e tydyn kyfreithaỽl. o|r dichaỽn caffel ky+
hyded am·danaỽ o tir araỻ. am dadyl datannud.
T Ri ryỽ datannud yssyd. a|r datannud+
eu hynny sef ynt. Datannud ar
ac eredic. a datannud carr. a|datannud
bỽrn a beich. a|r|datannudyeu hynny. ny dyly ̷+
ir eu datannudyaỽ namyn o|r mab yn ỻe y
bo y dat gynt. neu y ỻe y ry vei e|hun gynt
kany|dylyir datannud o ach ac etryt. Pỽy
bynnac y barner idaỽ datannud o|ar ac ere+
dic. ef a|dyly eisted yno yny del y kynhaeaf.
ac yna hyt pan ymchoelo y geuyn ar y das.
a|hynny heb atteb y neb. ac yna atteb. a naỽ+
uettyd kalan gaeaf racwyneb kyfreith. Pỽy
bynnac y barner idaỽ datannud o|e ry dyuot
a|charr a|chyuanned ac aelỽyt idaỽ e|hun.
neu o|e dat kynnoc ef ar y tir hỽnnỽ. ef a
dyly bot yno yn|diatteb hyt y|naỽuettyd. ac
| « p 238 | p 240 » |