LlGC Llsgr. Llanstephan 4 – tudalen 29r
Buchedd Beuno
29r
1
yn annoc y gỽn yn hely ysgyuarnaỽc.
2
Sef a dywedei y seis o hyt y benn. kergia
3
kergia. Sef oed hynny yn|y ieith ef annoc
4
y gỽn. A phan gigleu beuno lef y seis
5
ymchoelut yn diannot a|oruc drachefyn
6
a dyuot att y disgyblon. a dywedut ỽr+
7
thunt. Gỽisgỽch ymdanaỽch aỽch diỻ+
8
at vy meibyon i a|ch archenat. ac adaỽn
9
y ỻe hỽnn. kenedyl y gỽr aghyfyeith a
10
giglef|i y lef y tu draỽ y|r auon yn annoc
11
y gỽn a|oresgynnant y ỻe hỽnn ac a vyd
12
eidunt ac a|e kynhalyant dan eu medy+
13
ant. Ac yna y dywaỽt beuno ỽrth vn o|e
14
disgyblon. Rithỽlint oed y enỽ. vy mab
15
heb ef byd uvyd di ymi. Mi a vynnaf
16
drigyaỽ o·honat ti yma a|m|bendith i
17
ygyt a|thi. ac adaỽ gennyt a|wnaf croes
18
a|wneuthum i. A chymryt bendith y
19
athro a|oruc y disgybyl hỽnnỽ a thrigy+
20
aỽ yno. Beuno a doeth ef a|e disgyblon
21
hyt ym meiuot. ac yno y trigyaỽd ef
22
y·gyt a thyssilyaỽ sant deugein nieu
23
a deugein nos. ac odyna ef a|doeth hyt
24
att gynan vrenhin vab brochỽel. ac a|erchis
25
idaỽ ˄le y wediaỽ y eneit ef a|e gyueiỻyon. Ac yna
26
y rodes y brenhin idaỽ gỽydelwern y ỻe
« p 28v | p 29v » |