LlGC Llsgr. 3035 (Mostyn 116) – tudalen 53v
Brut y Brenhinoedd
53v
Ac y|bu vlkessar y gayaf hỽnnỽ yn ynys prydein A|phan dechre+
wis y gỽanỽyn dyuot y kychwynỽys parth a|freinc. Ac
ym|pen yspeit o amser kynuỻaỽ ỻu maỽr a|wnaeth vlkes+
sar ac a|r ỻu hỽnnỽ yd aeth parth a|rufein yn erbyn pom+
peius y gỽr a oed yn ỻe amheraỽdẏr yn yr amser hỽnỽ
yn dala yn|y erbyn ynteu A chany perthẏn ar an|defnyd
ni traethu o|weithredoed gỽyr rufein yny|bo ebryfyge+
dic y|r rei hẏnnẏ Ymchoelỽn ar an traethaỽt nu|hunein
Ac ym pen y seith mlyned gỽedy mynet vlkessar o ynys
brydein y bu varỽ kaswaỻaỽn vab beli. Ac y cladỽyt yg|kaer
efraỽc gan vrenhinyaỽl arỽylant. ~ ~ ~ ~ ~ ~ ~
A c yn ol kaswaỻaỽn y gỽnaethpỽyt tenefan vab ỻud
yn vrenhin. kanys auarỽy a athoed y|rufein ygyt
ac vlkessar. A|hỽnnỽ a draethỽys y teyrnas drỽy|hedỽch
a|thagneued. Gỽr deỽr oed tenefan ac a garei kyfyaỽnder
a gỽirioned yn|y amser ~ ~ ~ ~
A gỽedy marỽ tenefan y gỽnaethpỽyt y vab kynuelyn
yn vrenhin. Marchaỽc gỽychyr oed kynuelyn. Ac
vlkessar a|e magyssei Ac a|e hurdassei yn arueu. Ac
a|e dysgassei y|milỽryaeth. A|chymeint vu garyat gỽyr
rufein gan hỽnnỽ. A|chyt gaỻei attal eu teyrnget o|e
hanuod y rodei vdunt heb oruot y gymeỻ na|e erchi. A|r
amser hỽnnỽ y ganet yr arglỽyd iessu grist hoỻgyuoethaỽc
o|r arglỽydes diweir veir wyrẏ vendigedic Y gỽr a|bryn+
ỽys y cristonogyon yr creu y|galon. a oedynt rỽymedic
o gadỽy·neu y|diefyl. ~ ~ ~ ~ ~ ~ ~
A gỽedy bot kynvelyn vab tenefan yn vrenhin deg
mlyned. Y ganet deu vab idaỽ. A|r hynaf a|elwit
gỽydyr. A|r ieuaf a elwit gỽeirẏd adarweindaỽc
A gỽedy eilenwi dieuoed buched kynuelyn y gỽnaethpỽyt
| « p 53r | p 54r » |