LlGC Llsgr. 3035 (Mostyn 116) – tudalen 57r
Brut y Brenhinoedd
57r
hau y|kyfreitheu a ỻunyaethu pop peth yn aduỽyn ar
hyt y teyrnas. ~ ~ ~ ~
A gỽedy eilenwi o veuryc rydec y vuched y doeth coel
y vab ef yn vrenhin yn|y ol a|r gỽas hỽnnỽ yn ru+
fein y|magyssit Ac eu moes ac eu deuodeu a
dysgassei Ac ỽrth hynny yd oed ynteu yn rỽymedic
o|garyat ỽrthunt ỽynteu Ac yn talu teyrnget v ̷+
dunt heb warafun. yr hoỻ vyt a|welei yn darystyg+
edic vdunt yn yr amser hỽnnỽ. Ac ar vyrder ny bu yn
vrenhin ynys brydein a enrydedhei dylyedogyon y|teyrn+
as yn weỻ. no choel nac a|e katwei yn dagnefedach
Ac vn mab a anet y|goel. Sef oed y enỽ ỻes A gỽedẏ
marỽ coel. y doeth ỻes y vab yn vrenhin A hoỻ weith+
redoed da y|dat a erlynỽys ac a|wnaeth ỻes yn gyme+
int ac y tybygit y|mae ef oed koel e|hun A|medylyaỽ
a oruc hyt y gaỻei bot yn weỻ y diwed no|e dechreu
Ac anuon a oruc hẏt ar eleutherius bap y erchi idaỽ
anuon attaỽ wyr fydlaỽn a|bregethei gristonogaeth idaỽ
a chret a|fyd a bedyd. Kanẏs y|gỽyrtheu a|r|wnathoed yr
ebystẏl yn pregethu ar hyt y byt a|r daroed kyffroi a go+
leuhau y gallon ef a|e vedỽl parth a duỽ. Ac ỽrth hynẏ
yd oed ef yn damunaỽ gỽir fyd o|dihewyt y vryt Ac
ynteu a|e kafas A gỽedy gỽelet o|r pab hỽnnỽ y grefy+
dus damunet ef a|e darystygedigaeth. Sef yd anuones
attaỽ deu·ỽr grefydus fydlaỽn dysgodron a seilyedic
yn|y lan gatholyc fyd. Y bregethu idaỽ ac y|ỽ bobyl dy+
uotedigaeth yr arglỽyd iessu grist yg|cnaỽt dyn ac
eu golchedigaeth ỽynteu drỽy lan vedyd. Sef gỽyr
oed y|rei hẏnẏ dỽywan a|ffagan. A gỽedy dyuot y|gỽyr+
da hynny hyt ynys prydein A|phregethu y les vab
| « p 56v | p 57v » |