LlGC Llsgr. 3035 (Mostyn 116) – tudalen 9v
Ystoria Dared
9v
Aiax telamonius a|duc ygyt ac ef o|salamenia teu+
crum y vraỽt a|thywyssogyon ereil. a|dec|ỻog a|deugein gantunt
Polimestor ac vgein ỻog gantaỽ. Nestor o|pilus a|phetwar
vgein ỻog gantaỽ. Toas o tỽlỽs a deugein ỻog ygyt ac ef
aiax olieus o lucris a deunaỽ ỻog ar|hugein. venenas a|their
ỻog ar|dec|a|deugein. antipus a|deunaỽ ỻog ar|hugein.
Jdomenus a|dec|ỻog a|phetwar|ugein ỻog. Vlixes a dec ỻog
Proteselaus a deugein ỻog. Emelius a|dec|ỻog. Po+
tauius a|phedeir ỻog ar dec a deugein. achil a dec ỻog
a|deugein. Telebeleus o rodo a naỽ ỻog Euriphilus
a dec ỻog. antipus ac vn ỻog ar|dec. Pulibeces o|larisa
a|deugein ỻog. Diomedes o arpis a|phetwar|ugein ỻog
Piloctenus o meliboea a|phedeir ỻog Geneus o|cipro
a deugein ỻog. Petroclus o venecia a deugein ỻog. a+
gapenor. a deugein ỻog. Jnestius a dec ỻog a deugein.
L lyma beỻach rivedi py|saỽl tywyssaỽc o roec oed y+
no ygyt. ỽyth tywyssaỽc a deugein. a|riuedi o|logeu
heuẏt y·gyt dec ỻog ar|hugein a chant a mil. ~ ~ ~
A c yna gỽedy eu dyuot hỽẏ y athenas. agamem+
non a elwis y|tywyssogyon y·gyt. y|gymryt kygor
a|chyghori a|wnaeth ef ac anoc dial y|sarahaedeu hỽy
a|e kewilid yn gyntaf. ac ef a ofynaỽd ac a oed da gan+
tunt hỽẏ hẏnẏ. ac anoc a wnaeth ef hefẏt kyn noc yd
yd elynt y|r wlat delphoes anuon drachefyn at apolo
y ymgygor ac ef am y defnyd oỻ. a|duunaỽ a|wnaeth
paỽb a|e gygor ef. ac y|r neges hono yd aeth achil a
phetroclus. ac ẏna y doeth. priaf gartref yn gỽneuthur
y|keẏrẏd ac yn anoc o vaỽr uryt y|amdiffẏn ac yn
kadarnhau casteỻ troea o|fossyd a|chlodyeu ac anoc
heuẏt a wnaeth priaf ac erchi y|wyr y|wlat vot yn
baraỽt
| « p 9r | p 10r » |