LlGC Llsgr. Peniarth 11 – tudalen 119v

am y vynỽgyl ac a|e cant. Ac yna y marchogyon a|athoedynt ar|hyt

y fforest pan glywssant hynny a|ymchoelassant drachevyn. a|r

brenhin a|gerdaỽd racdaỽ tu a|r|barr yn|y ỻe yd oed yr unbennes

yn|y aros. Y marchogyon yna a|ovynnassant drỽy lit y|r marcha+

ỽc paham y kanassei y corn. achaỽs y marchaỽc racko heb ef a

dywaỽt ym panyỽ arthur a ladaỽd y marchaỽc du a dangos y chỽi+

theu hynny yd|ỽyf inneu ual y gaỻom y ymlit. Nyt ymlidiỽn ni efo

heb ỽy kanys arthur e|hun ydiỽ. ac nyt oes y ninneu uedyant y

ymlit neb o|r|tu hỽnt y|r barr. Eissyoes. myn yn cret ni y byd ediuar

ytti am|a|del idaỽ ef uynet ueỻy. Ac yna dỽyn hỽyl idaỽ a|wnae˄thant

a|e lad a|e dryỻyaỽ. a|chymryt y rann a|wnaeth paỽb onadunt a|my+

net ymeith parth ac eu cartrefoed. ~ ~ ~  

A R hynny arthur a|doeth o|r tu araỻ y|r barr att yr vnbennes

yr honn a|gymerth y penn y ganthaỽ ac a|e|diolches idaỽ.

Ti a|eỻy beỻach disgynnu. kanys nyt reit ytt vn ovyn o|r parth

yman y|r barr. Ar|hynny disgynnu a|oruc arthur. arglỽyd heb hi

diosc dy arueu yn|diogel ual y gaỻỽyf welet y dyrnaỽt. kanys ny

vydy iach di vyth o·ny bydy o|m plegyt i. Yna ymdiosc a|oruc arthur.

a|r unbennes a|gymerth y gỽaet y|ar y|penn. ac a iraỽd y dyrnaỽt. a

gỽedy hynny y rỽymaỽ a|wnaeth. a|gỽisgaỽ y arueu. Arglỽyd heb

hi ny bydut iach di vyth pany|bei gael y gỽaet y ar y penn hỽnn.

ac am hynny yd|oedynt ỽy yn dỽyn pob vn y rann ganthaỽ. kanys

ỽynt a|wydynt daruot dy vriwaỽ di. Ygyt a|hynny reit yỽ y ninneu

ỽrth y penn. kanys casteỻ oed ymi yr hỽnn a|ducpỽyt y arnaf drỽy

dỽyỻ a threis. yr hỽnn a|delir ym drỽydot ti ony chaffaf y gỽr yd|ỽyf y+

n|y geissyaỽ. A vnbennes heb·yr arthur pỽy yỽ hỽnnỽ. arglỽyd heb hi

mab