LlGC Llsgr. Peniarth 11 – tudalen 98v

annaỽc ỽyf o|e wybot. Laỽnslot dy|lac heb ef ỽyf|i. ae gỽir heb yn+

teu. y·rof|i a|duỽ tydi yd oedỽn yn|damunaỽ y welet a|e gael oed hof+

fach gennyf no dyn o|r|byt. a mi a|e dylyaf kanys tydi yỽ vyn|dechr+

eu. ac yna tynnu y helym a|oruc. ha galaath heb·y laỽnslot ae ty+

di yssyd yma. Myui yrof a|duỽ heb ynteu. Ac yna y dỽylaỽ mynỽ+

gyl yd aethant. A|gỽedy hynny pob vn a|ovynnaỽd y|antur y gilyd

A|e venegi a|ỽnaethant pob vn y|ỽ gilyd ual y|daroed idaỽ. a|pha

delỽ y gỽnathoed selyf yr ysgraff; a|pha vod y kafas y cledyf. a|pha

ffuryf y coỻassei y vorỽyn y heneit. a|ryued uu gan laỽnslot hynny. ~

M yỽn yr ysgraff honno y bu galaath a|laỽnslot mỽy no deu

vis yn gỽassanaethu eu harglỽyd drỽy gỽbyl ewyỻys da.

ac ỽynt a|drewit y dir y lawer o ynyssed estronaỽl. yn|y ỻeoed y

gỽelsant ỽy ỻaỽer o anturyeu dyrys. rei o·nadunt a|orffennassant

eu kedernyt. Ereiỻ o ras yr yspryt glan. y rei nyt ydys yma yn

eu menegi kanys ry hir vydei vydei pei manekit. Gỽedy y pasc

yn yr amser newydaf o|r vlỽydyn. kanys yna y dechreu y coet dei+

lyaỽ. ac y byd di·grif gan yr adar ganu. Yn yr amser hỽnnỽ ryỽ

diwarnaỽt yngkylch hanner dyd ef a|damchweinyaỽd udunt eu

taraỽ y dir y|nghongyl fforest yn ymyl croes. ỽynt a|welynt yn

dyuot o|r fforest marchaỽc yn aruaỽc o arueu gỽynnyon. ac yn

arwein yn|y ỻaỽ deheu idaỽ march anueidryaỽl y veint ac yn|gyn

wynnet a|r eiry. A|phan weles ef yr ysgraff ef a|doeth parth ac at+

tei yn gyntaf ac y gaỻaỽd. ac a|gyfarchaỽd gỽeỻ y galaath ac y

laỽnslot y gan y goruchaf arglỽyd. ac yn dywedut ỽrth galaath.

Arglỽyd heb ef digaỽn y buost di gyt a|th dat. ac am hynny dabre

odyna a dos ar y march yma. a cherda ỽrth ual y|mynno duỽ dy

drossi.