LlGC Llsgr. Peniarth 15 – tudalen 93

vot ev heneit yn newẏd yndvnt yna Ac yn llẏm y|bop peth y|rei hen o|benny  ̷+

dyaw welet a|chlẏwet a|vẏd pwl y|synnwyr Ac a|vyd tenev drwy vẏdẏlyav

llawer Discipulus o|ba|le y|doeth yr arch ystaven pan yttoed gwẏr babilon yn ryve  ̷ ̷+

lv ar garvsaahem. o|orchẏmẏn yr arglwẏd y|kudyawd Jeremias a|r proffw+

ydi ereill hi ym med moysen ar* yn|diwed y|bẏt Elẏ Ac Enor drwy vene  ̷+

gi o|r arglwẏd a|e dvc odẏno|hi Discipulus A|dyaallawd y|proffwydi yr hynn a|scrive+

nnassant. Magister. dallyassant* Discipulus Paham mor dwyll an amwc* y|gwnnaethant

wy. Magister. nẏ dẏlẏynt amgen kannys y|seiri mein a|adeilant y|mwr a|r lliwyd

a|e hysgẏthra velle y|messvrawd y pedrierch megẏs lle eglwys dvw a|r proff+

wydi o|e hysgrẏthvr a|gladaassant y|grwnndwal a|r ebystyl oc ev pregethev

a|drychavassant y parwdẏd* A rei a|doeth yn hol wyntev o|e hysponnyat

a|e hẏsgẏthrassant nẏt oed o|r ysgrythvr namẏn yr hẏnn a|scrivennwẏt

y|veibon dvw Ac y|mae yr eglwys yn agori vdvnt pob peth kaedic

drwẏ agoryat david broffwyd. Nẏ dichawn y|meibon hẏnnẏ gwelet na

dyall o|dẏallyant kan nẏ|s karant ac ny|s kredant. Discipulus A|oes engylyon y.

kadw dẏnẏo* o|bop kenedyl Ac o|bop dinas. Magister. Y|mae engẏlẏon yn benna+

dvryeit yn llvneithaw y|kyfvreithev a|e devodev o bop peth yn gyfyawnn

Ac agel a|vẏd yg|ketẏmeithas pob eneit o|r pan anvonner y|r corff. yn annoc

idaw wnnevthvr da ẏn wastat. Ac yn menegi y|dvw. Ac y|r engylyon ẏn|ẏ

nef y|holl weithredoed A|dvw yn gwebot* bop peth a|r engylyon yn gwelet

yndaw yntev pob peth Discipulus. Pa|beth a|ellir y|vynegi vdvnt ar ny|s gwyp+

pẏnt. Magister. nyt oes dim amgen o|venegi o|r egylẏon ereill no|chyt·lawennhaw

onadvnt yn dvw o|achos yn lles ni megys y|dẏwedir llewenẏd a|vyd gann

egylyon dvw am vn pechadvr a wnnel y|penẏt ẏn|y byt hwn Yg|gwrthwynep

y hẏnnẏ tristav a|ssorri a|wnant am yn drẏc·weithredoed ni Discipulus A vydant

wy ar y|dayar yn wastat y·gyt a|rei y|maent ẏn|ẏ kadw. Magister. Pan vo reit

wrthvnt wynt a|devant o|r* nerthv Ac yn bennaf pan wedier wynt

Ac ny byd mwy y|godrit* yn dyvot o|r nef y|r llawr Ac odẏno dracheven

noc ennẏt vn voment Ac yr y|dyvot at·tam ni welle ny thwyllir

wy ẏr hẏnnẏ oc ev gogonnyant o|vywn kannys wynt a|welant

wyneb ẏ|tat pa|dv bynnac yd anvonner wynt Discipulus Pa|phvryf yd ẏm+

dangossant wy y|r dynyon yn fvryf dẏn. Magister. Kannys am vot dyn yn

gorfforawl nẏ dichawnn ef welet yspryt wrth hẏnnẏ y|kemerassant

wẏ corfforoed o|r awẏr val y gallo dyn ev gwelet Ac ev klywet Discipulus

A vẏd y|diefyl yn pregethv y|dynyon yn wastat. Magister byd anneiryf

onadvnt yg|kyfveir pob gwyt yn tynnev* yr eneit·ev ynn wastat

ar eirev angkannadedic ar* yn menegi o|e tywyssawc drygyev ẏ|dẏ+

nyon dan chwerthin a gwatvar a phwy bynnac onadvnt a|orffo