LlGC Llsgr. Peniarth 15 – tudalen 99

o boennedic oervel kannys ef a|dẏwedir odieithẏr o|wres y|tan yn gynn|wẏn+

net a|r hayarnn ẏn|ẏr aelwẏt Ac ẏn rewi o|vewẏn* megẏs pibonwẏ nev

iaen y|gaẏaf val ẏ|dẏwedir wynt a|gerdant o|dẏfrẏd gormod y|wres gor+

mod a|r neb y|bv gynghorvẏnt a|chas gantvnt yma megys pryvet yn knoi.

dylyedvs yw bot pryvet yn ev hyssv wyntev yno Ac am digrifvaav o+

honvnt yma o|drewant godineb kyvẏawn yw bob* drewant yn ev poeni

yno yn agarw Ac am na mẏnnẏssant kẏmrẏt cosp na phoen gẏt a

dẏnẏon yma wrth hẏnnẏ y|ffvstir wyntev Ac ysgyrssev yno heb orffo+

wys megẏs y|dywedir parawt yw ẏ|brodẏ·ev y|r gwatwarwyr y gvraw

ac yrd kẏrff yr yn vdyon* Ac am garv ohonvnt tywyllwch pechodev

yma Ac na mynnẏssant dyvot y|olevni crist wrth hẏnny y|caffant

wy tywyllwch arvthyr yndaw o|e poeni megys y|dywedir ny welant

olevni yn|dragẏwẏd Ac am wellẏgyaw ohonvnt kyffessv y|pechodev

ny bv gywilyd gantvnt ẏ|gwnevthvr wrth hẏnnẏ y|noethir wẏn+

tev yn dragẏwyd y bawp yr kewilẏd a|chẏthrvd yno Ac am na mynys+

sant welet da na|e glẏwet yma Yawn yw ev kyfvlewni yno o|druan we+

ledigaeth Ac arvthẏr glẏwededigaeth Ac am drossi ohonvnt ar bop pech+

aỽt mal y gilẏd teilwng yw rwẏmaw pob aelawt vdvnt a|chatwynnev

tanllẏt yno Ac wẏnt a|damvnant anghev Ac anghev a|ffẏ ẏ|wrthunt

Discipulus. Pa|delw y gossodir wẏnt yno. Magister. Ac ev pennev y|waret a hynny

gefvynev ar traet y|vynyd a|ffoennev o|bawp* parth vdvnt Ac yn|y kylch

Discipulus. Och eni eiroet gan y|boeni velle. Magister. Beth a|welẏ|di beth a lyngky di dy

dygagrev* Diawl e|hvn a|e aelodev a|diodevant hẏnnẏ Discipulus. Pwẏ yw y|ae+

lodev ef. Magister. Y rei balch a rei kẏghorvẏnvs a|r twyllwẏr a|rei agkywir

A rei glwth a|rei meddweint a|rei gogyon* A|rei a|ladho yn wiryon cal+

anned a|rei krevlonn a|rei ffyrnnic a|rei herwẏr a|r lladronn a|rei budyr

a|r kebẏdẏonn A|rei a|torro y|priodassev a|rei gevawc a|rei annvdonvl

a|r|gwtwarwẏr* a|r gogannwẏr a|rei a|annvnn a|r kaẏantachwyr O

gordiwedir wẏnt ẏn|ẏ pẏnckev hẏnnẏ wẏnt a|ant y|r poennev

a|dẏwetpwẏt vchot heb ymchwelvt bẏth dracheven Och a|wyl y rei

gwiryon wyntev. Magister. Y|rei gwirẏon a|welant y|rei drwc yn|y poe+

nev megẏs y|bo mwẏ y llewenẏd am y|diang a|rei drwc hẏt dyd+

brawt a welant y|rei da ẏn|ẏ gogonẏant megys y bo mwy ev do+

lvr ac am ebrevygv ohonvnt gwnnevthvr y|da Gwedẏ dydbrawt

y|rei da a|wyl y|rei drwc ẏn|ẏ poennev Y rei drwc nẏ welant wy

y|rei da o|hẏnnẏ allann vyth. Discipulus A|dolvrẏa y|rei gwirẏon o welet ev

poeni wynt velle. Magister. kyt gwelo y|tat y|mab nev y|mab y|tat yn|y

poennyev nev y|vam y|merch nev y|verch y|mam nev y|gwr y wreic nev