LlGC Llsgr. Peniarth 190 – tudalen 25
Ystoria Lucidar
25
chaỽt hỽnnỽ ry wnaeth noc y gaỻei yr
hoỻ vyt y diwygu. kanys am wneuthur
ohonaỽ y chwech pechaỽt marỽaỽl yn|yr
un aỽr. am hynny y treiglaỽd ynteu y
chwech oes yn|ol y angheu. discipulus Pa|rei vu y
rei hynny. Magister Kyntaf vu syberwyt pan
vynnaỽd vot yn gyffelyb y duỽ. am hynny
y gỽnaethpỽyt ynteu yn issaf o bop peth.
ac ef kynno hynny yn arglỽyd ar|bop peth.
ac am|hynny y dywedir. ffieid yỽ geyr bronn
duỽ paỽp o|r a|dyrchafaỽd y gaỻon. Yr eil
peth. an·ufyd vu pan aeth dros y gorchym+
yn. ac am hynny. an·vfyd yỽ pob peth idaỽ
ynteu o|r a|oedynt darostyngedic idaỽ gynt
ac am hynny y dywedir. Tebyc yỽ pechaỽt
kyfarỽydon y an·ufyddaỽt. Trydyd vu ge+
bydyaeth. am chwennychu o·honaỽ. mỽy
noc a|genhattayssit idaỽ. ac am hynny iaỽn
yỽ idaỽ ynteu coỻi yr hynn a ganhadỽyt
idaỽ. am hynny y dywedir. Gỽassanaeth gev+
dwyweu yỽ kebydyaeth. Pedweryd pechaỽt
| « p 24 | p 26 » |