LlGC Llsgr. Peniarth 32 (Y Llyfr Teg) – tudalen 100
Llyfr Iorwerth
100
gỽeith y|del y brenhin y|r ỻys. ac ỽynt a|dylyant
anrydedu y vrenhines pan vo yn|y ỻys; herỽyd
eu gaỻu yn deueit ac yn ỽyn ac yn vynneu. ae
ar emenyn. ae ar|gaỽs. ae ar|laeth. O|dyry mab
uchelỽr y vab ar uaeth att vab eiỻt gan genhat
yr arglỽyd. neu gan y odef ohonaỽ un dyd a blỽyd+
yn. hỽnnỽ a dyly rann mab o dir y mab eiỻt. ac
o|e|da gỽedy hynny. O bop maenaỽr ryd y dyly
y brenhin kerỽyn ued. naỽ dyrnued yn|y hyt
yn amryscoeỽ. ac o·ny cheffir y med; dỽy o vraga+
ỽt. ac o·ny cheffir y bragaỽt; pedeir o gỽryf. Ny
byd erỽ diffodedic yn tir kyfrif. Pỽy bynnac
a dorro teruyn y·rỽg dỽy|dref o eredic. y brenhin
a|dyly yr ỽyth ychen a|e hardo. a|r gỽyd. a|r heyrn
a gỽerth y droet deheu y|r amaeth. a|gỽerth y
ỻaỽ assỽ y|r geilwat. a phedeir keinhaỽc y berch+
ennaỽc y tir. a chyweiryaỽ y teruyn yn|gystal
a chynt. Pỽy|bynnac a ardo tir yn|agkyuarch;
talet pedeir keinhaỽc y|r neb bieiffo y tir. a chein+
haỽc o bop kỽys o|r a|ardher. a chamlỽrỽ y|r ar
O|deruyd. ymderuynu y·rỽg deuwyr kymreint
am tir. a|r neiỻ rei yn teruynu hyt racco a|r
ỻaỻ hyt yma. a thygu o bop pleit. ỻyna y try+
dyd ỻe y rann kyfreith. yn deu hanner. Pỽy bynhac
a|dycco maen teruyn honnedic y·rỽng dỽy dref;
talet chỽeugeint y berchennaỽc y tir. a|chamlỽrỽ
| « p 99 | p 101 » |