LlGC Llsgr. Peniarth 32 (Y Llyfr Teg) – tudalen 253
Brut y Saeson
253
y gỽledychaỽd ac y|ghaer ỽynt y cladỽyt.
[ Pedeir blyned ar bymthec a naỽ|cant oed oeet crist
pan ỽledychaỽd. Edgar braỽt Edvin hỽnnỽ o annoc
kythreul a garaỽd gỽyry gẏssegredic y grist ac am
hynny y agreiffyo a|oruc dunstan a|chymryth* ediueirỽch
a oruc y brehin* a penyt y gan yr archescob a mab
a gahat o|r pechaỽt hỽnnỽ a elvit Edward. Ac o|wreic
mab a elvit. Edmỽnd. Ac araỻ a elvit Ethyldryt.
Ac o ordech y cafas merch a elvit seint Edyth. Vn
vlỽydyn ar|bymthec y gỽledychaỽd. Ac y|glascỽin ẏ
cladỽyt. A gỽedy y uot deg|mlẏned a|trugeint yn|ẏ
dayar neb·vn abat a beris symut y maen y ar y ued
a|r corff yn gyua. Ac vrth y ranu yn aelodeu y|di+
neuaỽd o·honaỽ amylder o ỽaet a|r abat a|syrthyaỽd
ac a dorres y vynỽgyl. [ Pymtheg mlyned a
thrugeint a naỽ|cant oed oeet* crist pan ỽledychaỽd
edward Jeuank gỽr gofunedaỽl y duỽ a|chyfelybu
y|ỽ|dadaỽl greuyd. A gorchyunu* a|oruc hoỻ negesseu
y deyrnas y vraỽt a|e|lysuam. A hi a|e|gỽenỽynaỽd
ef a diaỽ* a gỽyr y lys a|e|cladaỽd. ac yn diued y vyỽyt
y|dyỽat. Duỽ a ỽledychaỽd teir blyned a haner.
[ Blỽydyn eisseu o|bedyvar*|vgeint a naỽ|cant
oed oeet* crist pan vledychaỽd Edylthryt braỽt
Edward mab yr eil ỽreic y|ỽ dat ef. hỽnnỽ pan
ẏttoed yn|y vedyddyaỽ a|bissaỽd yn|y bedydlestyr ac
a lẏgraod* y|rinỽeddeu. yna y dyuat dỽnstan Anỽybodus
| « p 252 | p 254 » |