LlGC Llsgr. Peniarth 36A – tudalen 7r
Llyfr Blegywryd
7r
weithret llosc. Ac ony byd neb yn affeith+
aỽl y gyt ac ef. talet e hunan oll a del or
llosc hỽnnỽ o gollet. ony dichaỽn ym ̷+
diheuraỽ trỽy reith gỽlat.
Kyntaf yỽ o naỽ affeith lletrat am+
kanu ỽrth gedymdeith yr hyn a
geisser yn lletrat. Eil yỽ duunaỽ am
y lletrat. Trydyd yỽ; rodi bỽyllỽrỽ y let ̷+
ratta. Petwyryd yỽ mynet yg|kedymdei ̷+
thas y lleidyr pan el y letratta. Pymhet
yỽ mynet yr tref gyt a| lleidyr a torro
ty neu uuarth. Whechet yỽ erbynyaỽ
yr hyn a dyccer yn lletrat. Seithuet yỽ
kerdet dyd neu nos gyt ar lletrat. Vyth ̷+
uet yỽ kymryt ran o lletrat. Naỽuet
yỽ kelu y lletrat ar y| lleidyr. Holl affeith+
eu gỽeithret o affeitheu galanas neu losc
neu letrat dirỽyus vyd pob vn o·honunt.
Tauaỽtrud a llygatrud heb weithret
llaỽ neu troet. kamlyryus vyd. Tal
dros affeitheu galanas a uỽynt gyf·a+
def y ryeni. a chyt·etiuedyon y lladedic.
| « p 6v | p 7v » |