LlGC Llsgr. Peniarth 36B – tudalen 46
Llyfr Blegywryd
46
Ae preidoed gỽarthec. Peteir kein ̷+
haỽc kyfreith a geiff y brenhin o
pob eidon a gaffer ymplith y war ̷+
thec. ac velly; o pob march a|gaff ̷+
er ymplith y veirch. Teir rỽyt
breyr ynt; allwest y veirch. ae
breid warthec. Ae genuein voch.
O pop llỽdyn a gaffer yn eu plith
oc eu kyfryỽ; peteir keinhaỽc kyf ̷+
reith a geiff y breyr. Teir rỽyt
tayaỽc ynt; y warthec ae voch
ae hen dref. o pob llỽdyn a gaffer
yn eu plith o galan mei hyt am ̷+
ser medi. peteir keinhaỽc a geiff
y tayaỽc. Tri chorn buelyn y
brenhin; y gorn kyfed. ae gorn
kyweithas. ae gorn hely yn llaỽ
y penkynyd. punt a tal pob vn
ohonunt. Teir telyn kyfreitha ̷+
ỽl yssyd; telyn brenhin. a thelyn
| « p 45 | p 47 » |