LlGC Llsgr. Peniarth 46 – tudalen 220
Brut y Brenhinoedd
220
y ol ynteu y coronheir uthur benn dragon
y|uraỽt. ac a gỽenỽyn y|brethir ynteu
kymeint a hynny uyt brat dy saesson
di. a rei hynny baed kaernyỽ a|e llỽnc
Sef oed hỽnnỽ arthur. a phann deuth
y|dyd trannoeth y doeth emreis ỽledic
ac uthur benndragon. a deg mil o uarcho ̷+
gyon aruaỽc gantunt y|r tir.
A |Phann glyỽyspỽyt hynny yr hon+
neit. ymgynnullaỽ a|ỽnaeth y
bryttannyeit o bop le yn yd|oed ̷+
ynt ỽasgeredigyon. a|dyuot yn toruoed
gann leỽenyd o glybot dyuot y|kyỽdaỽd+
ỽyr atadunt. a gỽedy dyuot paỽb y+
gyt o·nadunt yr yscolheigyon a|r lley+
gyon. kyssegru emreys ỽledic a|ỽnae+
thant yn urenhin. a gỽrhau a gỽedu
idaỽ. ac ual yd oed paỽb yn annoc
mynet am benn y|saesson y|mynnỽys
y brenhin yn gynntaf caffel gỽrthe+
yrn a mynet y geissaỽ. Canys kymei+
| « p 219 | p 221 » |