LlGC Llsgr. Peniarth 46 – tudalen 71
Brut y Brenhinoedd
71
udunt. a rodi gỽystlon a chedernyt ar
gywirdeb. a guedy ymchuelut beli. a bran
y ỽrth ruuein. a chyrchu parth a german+
ia. ediuarhau a wnaeth guyr ruuein
guneuthur y tagnheued na rodi eu
gỽystlon y uelly. Sef a wnaethant trỽy
dỽyll lluydhaỽ yn eu hol a|mynet yn
porth y wyr germania. a phan doeth
y chuedyl hỽnnỽ ar ueli a bran. sef a
wnaethant llidyaỽ yn wuy no meint.
am ry wneuthur ac ỽynt kyuryw tỽyll
a hỽnnỽ. a medylyaỽ pa furu y gellynt
ymlad a|r deulu. a gỽyr ruuein. ac a
gỽyr germania. Sef a gaỽssant yn eu
kyghor Trigyaỽ beli a|r brytannyeyt
ganthaỽ y ymlad a germania. ac y|ỽ
darystỽng. a mynet bran a freinc. ac
a byrgỽyn ganthaỽ y geissyaỽ dial eu
tỽyll ar wyr ruuein. a phan doeth di ̷+
heurỽyd o hynny ar y ruueinwyr sef a
wnaethant ỽynteu bryssyaỽ dracheuyn
y geissaỽ ruuein o ulaen bran. ac adaỽ
| « p 70 | p 72 » |