Llsgr. Bodorgan – tudalen 48
Llyfr Cyfnerth
48
o pop vn gan y gilyd o|r brodyr ar k +
rỽ ar kyferderỽ. Ac ny dyly neb talu y da
dros y gilyd. Ar tir a gollo vn o|r rei hynny
o eisseu llỽ y rei ereill; ennillent idaỽ. o gyf+
erderỽ allan ny dyly neb kadỽ ran y gilyd
nac ae lỽ nac ae da.
Ny cheiff neb tir y gytetiued megys y
vraỽt neu y gefynderỽ. neu gyferderỽ
gan y ofyn trỽy yr hỽn a uei varỽ heb eti+
ued idaỽ o|e gorff. namyn gan y ofyn trỽy yr
vn o|e ryeni a ryffei perchennaỽc yr tir hỽn+
nỽ hyt y varỽ. Ae tat. Ae hentat. Ae gor+
hentat. Ac uelly y keiff y tir os ef a uyd
nessaf kar yr marỽ. Gỽedy ranho brodyr
tref eu tat y rydunt. O|r byd marỽ vn o+
honunt heb etiued o|e gorf neu gytetiued
hyt geifyn; y brenhin a uyd etiued o|r tir
hỽnnỽ. Tri ryỽ prit yssyd ar tir. Vn yỽ
gobyr gỽarchadỽ. Eil yỽ da a rother y ach+
waneccau tir neu y vreint. Trydyd yỽ llaf+
ur kyfreithaỽl a wneler ar y tir y bo gỽell y
Pỽy bynhac a wnel brat [ tir yrdaỽ.
arglỽyd neu gynllỽyn a wnel; ef a gyll
tref y tat. ac o|r keffir; crogadỽy uyd. Ony
| « p 47 | p 49 » |