Llsgr. Bodorgan – tudalen 93
Llyfr Cyfnerth
93
teu yn wascaraỽc yg wladoed llawer; oet py ̷+
theỽnos a dyly yg kyfeir pop gỽlat. Ny thal
kenedyl sarhaet gyt a| neb tra vo da ar y helỽ
ef e| hunan. O|r diffyc hagen y da ef; iaỽn yỽ
talu ran ygyt ac ef hyt y tryded ach.
OEr gỽymp galanas yỽ pan latho dyn
dyn arall. A dodi oet dyd y diuỽyn y gyf ̷+
lafan honno. Ae lad ynteu o dyn o genedyl
arall heb dylyu dim idaỽ kyn diuỽyn y gyf+
lauan honno ar| wnathoed. Sef y gelwir y
gyfreith honno yn oer gỽymp gỽymp* ga ̷+
lanas rac trymhet y| golli ef a thalu yr ala ̷+
nas dros y gyflauan ar wnathoed gynt.
Pỽy bynhac talho tir yg galanas; kylli+
det drostaỽ yr arglỽyd. kanys ryd y dy+
ly y tir bot yr neb y talher idaỽ. Tri llysseu
a dyly tyfu yn| y tir hỽnnỽ. meillon. A gỽyc.
Ac yscall. Ac ny byd mỽy gỽerth buch o|r tir
hỽnnỽ; noe hyt pan vo yn pori.
DEu dyn ny dyly y brenhin gofyn eu ga+
lanas kyt lather yn| y wlat. Kaeth dyn
arall. kanys medyant a uyd y dyn ar y ga ̷+
eth mal ar y anefeil. A dyn a gaffer yn ym+
deith yn ystauell y brenhin heb tan a heb
| « p 92 | p 94 » |