Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 51r

Llyfr Blegywryd

51r

ar|tir dyn arall; vn ar|bymthec a|telir dros
y|varỽ·tywarchen. Y ty kynntaf a|loscer
yn|y tref o walltan; talet y deuty gyntaf
a ennynho gantaỽ vn o|bop parth idaỽ.
Y neb a|venffyccyo ty a|than y dyn arall
o|r kynneu hỽnnỽ tan teir gỽeith yn|y ty.
cỽbyl tal a geiff y|gantaỽ o|r llysc. Pỽy
bynnac a|adaỽho tan y|myỽn odyn ven  ̷ ̷+
ffycc. a|dyuot arall y|atgynneu y|tan. a  ̷
llosci yr odyn. hỽynt ell|deu a|e talhant
yn|deu|hanner yrydunt y|berchennaỽc yr
odyn. Os y kyntaf hagen a diffyd y|tan
oll. neu a|gymer ffyd yr eil ar|y diffodi kyn+
n y adaỽ. ny|thal y kyntaf dim drosti kyt
llosco gỽedy hynny. Odyn biben brenhin;
wheugeint a|tal. Odyn breyr; trivgeint
a|tal. Odyn mab|eillt brenhin; dec ar|huge+
int a|tal. Odyn mab|eillt breyr; pedeir ar|hv+
geint. Pob odyn ar|ny|bo piben idi; tray+
an y gỽerdh a|dygỽyd. 
R Yd yỽ y|r brenhin hely ym|pob|lle
ynn|y wlat. Py|le|bynnac y|gordi+
ỽedher hyd a|uo kynydyon y|bren+
hin yn|y hela. ny cheiff neb wharthaỽr tir
ohonaỽ. O|R lledir hyd brenhin y|myỽn tref
breyr y|bore. kattỽet y|breyr ef hyt hanner