Llsgr. Caerdydd 1.363 (Hafod 2) – tudalen 102v
Brut y Brenhinoedd
102v
teỽ gwedy rody yr paganyeyt eỽ merchet ac eỽ ka+
resseỽ Ac wrth henny ed annogyn e brytanyeyt yr
brenyn dyhol e paganyeyt o|e kyvoeth rac ofyn tr+
wy ev brat ac ev hystryw goreskyn o·nadvnt e ky+
wdaỽtwyr. Ac esef a wnaeth Gortheyrn eyssyoes Gev*
eỽelychw ac annot henny rac meynt oed kanthaỽ k+
aryat y wreyc ac eỽ karyat wynteỽ. Ac|gwedy gwelet
o|r brytanyeyt henny wynt a ymadavssant a Gortheyrn
ac o kytkynghor a chytdvhundep kymryth Gwerthefyr
y vap ac o vn vryt y ardyrchavael a|e vrdaỽ en vrenyn.
Ac esef a orỽc Gwertheỽyr en hollavl gwnevthvr ky+
nghor y brytanyeyt o pob peth. a dechrev emlad ac est+
ravn kenedyl ac en wychyr crevlavn mynnỽ ev dyh+
ol o|r enys honn. A phedwar kyfrang a phedwar em+
lad a|wu ydaỽ ar saysson. ac em pob vn e gorfw Gwe+
rthyvyr. kyntaf onadvnt ar avon derwenhyd. Er
eyl ar ryt e pyffort. Ena ed emkyvarfv kyndeyrn
vap Gortheyrn a hors braỽt heyngyst. Ac|gwedy ym+
kaffael onadvnt e lladaỽd pob vn y gylyd onadvnt.
E tredyd emlad a|wu ar lan e mor en e lle ed aethant
e saysson en wreygyaỽl en eỽ llonghev ac e kyrchassant
| « p 102r | p 103r » |