Llsgr. Caerdydd 3.242 (Hafod 16) – tudalen 96
Meddyginiaethau, Wyth Rhan Pob Dyn
96
betoni a berỽ drỽy vel a|mortera yn|da a gỽna o·honaỽ bedeir
pele* a|dyro vn beunyd o|r pedwar dieu idaỽ y yfet myỽn ỻynn
tỽym. O|r kymer dyn wenỽyn; yfet sud y|titaen a|gỽin.
Y dorri gỽaetlin ffroeneu; kymer vlaen teir dynhaden a briỽ
ỽynt a|dot y|bastei honno yn|dyfnaf ac y|geỻych yn|y ffro+
eneu. Y|lad pryfet a|aner yng|kyỻa dyn neu yn|y groth y
rei ny adant gynnal na bỽyt na|diaỽt namyn y|chỽy+
du; kymer y|miỻeffolium. a|tharaỽ myỽn gỽin mỽygyl
W *yth|rann a|dyly bot ym|pob [ a|dyro idaỽ y|yfet.
dyn. y rann gyntaf o|r daear. a|r eil o|r|mor. a|r|dry+
ded o|r heul. y bedwared o|r gỽynt. y bymhet o|r wybyr. y
chỽechet o|r|mein. Y seithuet o|r yspryt glan. Yr wyth+
uet o|leuuer y byt yr hỽnn a|elwir crist. O|r daear y byd
knaỽt dyn. O|r mor y|waet. O|r heul y lygeit. O|r|gỽynt y
anadyl. O|r|wybyr y vedỽl a|e anwadalỽch. Y esgyrn o|r
yspryt glan. Y|eneit o leuuer y|byt. Sef yỽ hynny o
grist y deaỻ. OS o|r|daear y byd y|rann vỽyaf ohonaỽ
ỻesc vyd a|thrỽm. Os o|r mor; doeth vyd. Os o|r heul; gỽyỻt
vyd ac ymladgar. OS o|r gỽynt; ysgaỽn a|got vyd. OS
o|r wybyr; ysgaỽn vyd ac irỻaỽn. OS o|r kerric; kalet vyd
a|chebyd a ỻeidyr. OS o|r yspryt glan; hygar vyd a|chyflaỽn
o dỽywaỽl geluydyt. Llyma y tri|theỽ anesgor; auu;
ac aren. a challonn. a ỻyma yr achos y gelwir ỽynt veỻy;
dilis yỽ o|r kyhỽrd clỽyf ac vn o|r|tri hynny na|eỻir vyth
gỽaret udunt namyn marỽ yn ehegyr. Tri|theneu
anesgor ynt; pilen yr emennyd. a glasgolud. a chỽyssi+
gen. kanys o|r vn achaỽs y|maent yn esgor a|r ỻeiỻ. Te+
ir nych gỽeli ynt; kymal glin a|mỽydon assen. ac ysgeueint.
The text Wyth Rhan Pob Dyn starts on line 9.
| « p 95 | p 97 » |