LlB Llsgr. Harley 958 – tudalen 13r
Llyfr Blegywryd
13r
paỻỽẏs ẏ reith. gỽirion o|e pen e|hunan
a|e tauaỽt nẏ delit dim ẏn|ẏ laỽ nẏ
chaffat dim gantaỽ deudeg|mu dirỽẏ
T Eir rỽẏt brenhin ẏnt. [[ arnaỽ.
Ẏ teulu. Ac aỻwest ẏ veirch. A|e
preidoed gwarthec. pedeir keinhaỽc kẏf+
reith a geiff ẏ|brenhin o pob eidon a|gaf+
fer ẏm|plith ẏ veirch. Teir rỽẏt breẏr
ẏnt. Allwest ẏ veirch. A|e preid warthec.
A|e genuein voch. O pob ỻỽdẏn a gaffer
ẏn eu plith oc eu kẏfrỽẏ. pedeir keinhaỽc
kẏfreith a geiff ẏ breẏr. Teir rỽẏt
taẏaỽc ẏnt ẏ warthec. a|e voch. a|e hen+
dref. O pob ỻỽdẏn a gaffer ẏn eu plith o
galan mei hẏt amser medi. pedeir kei+
naỽc a geiff ẏ taeaỽc. Tri chorn bue+
lin ẏ brenhin. ẏ gorn kẏfed. A|e gorn kẏ+
weithas. A|e gorn helẏ ẏn ỻaỽ ẏ|pen·kẏnẏth
punt a tal pob vn o·honunt. Teir|telẏn
kẏfreithaỽl ẏssẏd. Telẏn brenhin. A|thelin
penkerd hweugeint a tal pob vn o|r dỽẏ
hẏnnẏ. kẏweirgorn pob vn a tal deudec
keinaỽc. A|thelẏn ỽchelỽr trugeint a tal.
A|e chẏweirgorn pedeir keinhaỽc kẏfreith
a|tal. Tri pheth nẏt rẏd ẏ vilaen eu
gwerthu heb ganhat ẏ arglỽẏth. March.
| « p 12v | p 13v » |