Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 81v
Ymborth yr Enaid
81v
Reit yỽ ytt ymrodi yn gỽbyl o|galonn. Ac ene+
it a|medỽl yr|dyỽededic annỽylserch dỽyỽaỽl ga+
ryat a|dyỽetpỽyt vry. A chyt dylyych garu pob
vn o|r teir personn ygyt yn gymeint a|e gilyd. ar te+
ir personn yn gymeint a|phob vn ar neilltu.
a|phob vn ar neilltu yn gymeint ar teir ygyt.
eissoes o|achaỽs kerennyd a|chyfnessafrỽyd. Ac
adnabot dy gic a|th waet a|th gyffelyb. nes yỽ
ytt ymdiryoni ar mab noc ar|tat neu ar yspryt
glan. kannys ef a gymerth yn knaỽt ni am+
danaỽ a gat o|r yspryt glan. Ac a|anet o|veir
Wyry. a|herỽyd hynny yn braỽt yỽ kyt boet
duỽ dat yn dat yn. ar yspryt glan yn dadmaeth
yn. kanys y|garyat ef yỽ ymborth yn eneideu
ni. Ac velle y|dyỽetpỽyt yr braỽt yn|y|vreudỽyt.
kannys val yd|oed nebvn vraỽt o|greuyd brodyr
pregethỽyr yn|y benyt. ac yn|dodi y|holl obeith
yn|y drindaỽt o|nef. ac o|e holl eỽyllys y|galonn
yn gnotav yn|y|vedỽl yn vynych gussanu traet
pob vn o|r teir personn ar neilltu yn|vn|ỽed a|phei
beynt gynndrycholyon rỽg y|dỽylaỽ. Ac ynn
hynny dydgỽeith y boredyd yn|y|varỽhun. ef a
glyỽei lef arafber garueidlos yn|dyỽedut vrth+
aỽ val hynn. da yaỽn y|gỽney di yn karu ni|pob
personn ar neilltu. ac eissoes kannys anaỽd
| « p 81r | p 82r » |