Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 95v
Buchedd Dewi
95v
. odyna yr adeilaỽd eglỽys yn|y lle a|elỽir
llann gyfuelach yggỽyr. Deu sant a|oed yg|kedỽe+
li a|elỽit boducat a|nailtrum a|ymrodassant yn|dis+
gyblon idaỽ. odyna yr ymhoelaỽd deỽi hyt y|lle a
elỽit uetus rubus. Ac yno yr oed escob a|elỽit Go+
eslan a|hỽnnỽ a|oed vraỽt ffyd y|deỽi. A|deỽi a|dyỽot
vrthaỽ. Angel yr arglỽyd a|dyỽot ymi. y|mae o|vreid
yd|a vn o|gant o|r lle hỽnn y|teyrnas nef. a|dangos+
ses ymi le arall. Ac o|r lle hỽnnỽ nyt a neb y|vffern
o|r a|vo ffyd da. a chret gantaỽ. Ac a gladher ymyn+
nỽent y|lle hỽnnỽ. heuyt nyt a y|vffernn. A|dydgỽe+
ith y|deuth dauid a|e disgyblon. nyt amgen. aedan.
ac eluid. Ac ysmael a llaỽer ygyt ac ỽynt hyt y
lle a|vanagassei duỽ vdunt. nyt amgen hyt yglyn
rosin. hodnant y|gelỽir y|lle hỽnnỽ. kyntaf lle dan
yr aỽyr y|kynneuassant ỽy tan uu yno. A|phann gy+
neuassant tan yno y|bore glas y|kyuodes mỽc ac y
kylchynaỽd y|mỽc hỽnnỽ yr ynys honn oll. a|llaỽer
o|Jỽerdon. a|hynny o|r bore glas hyt bryt gosper.
Ac yna yd argannuv tyỽyssaỽc a|elỽit boya. Ac
yscot oed y|mỽc hỽnnỽ. ac o|lit eisted a|oruc y|myỽn
creic vchel o|r bore hyt pryt gosper heb uỽyt heb
diaỽt. a|e ỽreic a|vedraỽd arnaỽ yno ac a|ovynna+
ỽd idaỽ paham na mynhei na bỽyt na diaỽt. Dy+
oer heb ef trist ỽyf a|llidyaỽc. mỽc a|ỽeleis hediỽ
| « p 95r | p 96r » |