Rhydychen, Llsgr. Coleg yr Iesu 20 – tudalen 63v
Saith Doethion Rhufain
63v
yn|y wlat. A|r brenhin a|e kanhadaỽd.
A thrannoeth ef a deuth kyn eu kych ̷+
wynnu a|e orderch att y brenhin y|r
ỻe yr oed ef yn gwarandaỽ offeren.
Ac odylygaỽd y|r brenhin peri y|r of+
feiryat e|hun gỽneuthur rỽym prio+
das y·rygkthunt eỻ deu. A|r brenhin
a beris eu priodi a gwedy y briodas.
ỽynt a gyrchassant y|r ỻog. A|r bren+
hin a aeth tu a|r tỽr. A phan doeth yr
oed y tỽr yn|wac. a|e wreic gwedy my+
net gyt a|r marchaỽc. Velly arglỽyd
amheraỽdyr. y somma dy wreic ditheu
o gredu idi. a pheri dienydyaỽ dy vab
o|e achaỽs. Na pharaf yn wir heb ef.
A|r nos honno y dywaỽt yr amhero+
dres a·dan vcheneidyaỽ a thristyt ỽrth
yr amheraỽdyr val hynn. Ef a|deruyd
ytt val y daruu y ystiwart brenhin
germania. Beth oed hynny heb yr
amheraỽdyr. Ny|s managaf ony
| « p 63r | p 64r » |