LlGC Llsgr. Llanstephan 4 – tudalen 46v
Purdan Padrig
46v
ỻauuryus. yn gymeint ac na mynneist
aros dyd dy angheu namyn y|th vuched
rodi dy eneit a|th gorff ygyt ynni. Hynn
a|wnaethost di mal y kaffut tal a|vei
vỽy gennym ni. Titheu a|geffy gen+
nym ni yn amyl yr hynn a|heydeist.
Kan doethost di ymma y diodef poeneu
dros dy bechodeu. titheu a|geffy gennym
ninneu yr hynn a|geissy. nyt amgen
poeneu a|doluryeu. O|r mynny di am+
gen ymchoelut gan hynn dy vot ti
wrth yn kynghor ni a gỽassanaethu
ynni rac ỻaỽ mal hyt hynn; ninneu
a wnaỽn yn ỻe kyuarỽs ytti dy dỽyn
y|r porth y doethost y|myỽn idaỽ yn di ̷+
drỽc mal y keffych lewenyd yn|y byt etto
ac na choỻych esmỽythder dy gorff oỻ
o|th dyuot ymma yr aỽrhonn. Hynn a|a+
daỽssont ỽy idaỽ ef y geissaỽ y dỽyỻaỽ
o|e haruthder ac o|ofyn ac o hegarỽch.
Y marchaỽc ffydlaỽn yng|krist amgen
ny chyffroes ef nac o aruthder nac o
hegarỽch y adu y dỽyỻaỽ namyn o|e
hoỻ ynni yn|y vryt eu tremygu a|e ha ̷+
ruthder a|e hegarỽch heb atteb udunt
o|dim Odyna pan weles y|diefyl y
| « p 46r | p 47r » |