LlGC Llsgr. Llanstephan 4 – tudalen 9r
Chwedlau Odo
9r
chỽennychu yr adar o gaffel methyl
ar eneideu y bobyl gyffredin. Eissyoes
tra vo y prelat doeth kywreint a|e lygeit
yn agoret yn cadỽ y ffald ny beid y ky+
threul wasgu nac ymyrreit arnadunt.
Beth a|wna y kythreul yna. medylyaỽ
medeginyaeth. nyt amgen gỽneuthur
plastyr a|wna o gynnuỻeitua ac amylder
ac amylder goludoed bydaỽl a|e dodi yn
ỻygeit y prelat y ystoppyaỽ y olygon
ar ysprydolyon betheu a|gỽeithredoed
nefolyon a phregetheu|doethon yn ved+
eginyaeth y|r eneideu. Gan rodi idaỽ
renti maỽr a chyrteu a|phlassoed arder+
chaỽc. a meirch maỽr ac ychen a|deueit.
ac amryuaelyon aniueileit amlaỽ
hynny. ac veỻy y daỻu o ysprydaỽl
olỽc a|diua y adar ac eu|ỻyngku. A
gỽedy hynny y doluryaỽ ynteu a|e vlin+
hau yn cadỽ ac yn ymwrd a|r golut
heb orffowys. ac o|r|diwed y|poeni yn
dragywyd o|r poen anteruynnedic onyt
E ỻew gynt a [ duỽ a|e gỽeryt.
wnaeth gỽled. ac a wahodaỽd
yr aniueileit oỻ y|r wled honno. ac yno
y kaỽssant amryuaelon vỽydeu a
| « p 8v | p 9v » |