LlGC Llsgr. 3035 (Mostyn 116) – tudalen 152r

a vuassei escob yn henford kyn|no hẏnnẏ. ac yn* y|drychefis henri

vrenhin ef ar teilygdaỽt vch yn archescob yg|kaer efraỽc. ac

yna y|kymerth ansel yn archesgob keint drachefẏn y|arches+

gobaỽt drỽy henri vrenhin yr hỽn a adaỽssei yn amser gỽilim

goch vrenhin o|achaỽs enwired hỽnỽ a|e greulonder. kany welei

ef hỽnnỽ yn gỽneuthur dim yn gyffyaỽn o orchymyneu duỽ

nac o|lỽodraeth* vrenhinaỽl deilygdaỽt. blỽydyn gỽedy hyny

y|bu varỽ hu vras jarỻ kaer ỻion. ac yn|y|ol y|dynessaaỽd roger

y|vab kyt bei bychan y|oet. ac eissoes y brenhin a|e gossodes yn ỻe

y|tat achaỽs a|charyat y dat. ac yn|y vlỽydyn hono y bu varỽ

gronỽ ap|kadỽgaỽn ac ywein vab gruffud. Can mlyned a

mil. oed. oet. crist. pan vu aghyttuundeb rỽg henri vrenhin a|robert

jarỻ amỽythic ac ernulf y vraỽt gỽr a|gafas dyfet yn ran idaỽ

ac a|wnaeth casteỻ penuro yn vaỽr·urydus. a|phan gigleu y

brenhin eu bot yn gỽneuthur tỽyỻ yn|y erbyn megys y deu+

th y|whedyl arnunt y galwaỽd attaỽ y ỽybot gỽirioned am hyny

ac ỽynteu heb aỻel ymdiret y|r brenhin a geissassant achaỽs

y|vỽrỽ escus. a gỽedy gỽybot o·nadunt adnabot o|r brenhin eu

tỽyỻ ac eu brat ny beidassant ymdangos ger bron y gedrych*+

older ef. achub a orugant eu kedernit a galỽ porth o bob tu v  ̷+

dunt a gỽahaỽd attunt y|brytanyeit a|oed|yn darestygedigyon

vdunt yn eu medyant. ac eu penaetheu. nyt amgen cadỽgaỽn

Jorwerth a maredud. veibon bledyn vab kynuyn yn borth vdunt

ac eu haruoỻ yn vaỽr·urydic enrydedus vdunt a orugant

ac adaỽ ỻawer o da vdunt a rodi rodyon a|ỻawenhau y gỽlat

o rydit. yg|kyfrỽg hyny kadarnhau eu kestyỻ a|e|kylchynu o

fossyd a|muroed a|pharatoi ỻawer o ymborth a|chynuỻaỽ march+

ogyon a rodi rodyon vdunt. Robert a achubaỽd petwar casteỻ