LlGC Llsgr. 3035 (Mostyn 116) – tudalen 1v
Ystoria Dared
1v
y|ỻog. A|phan doeth yr amser anuon a|wnaeth Jason
lythyreu at y gỽyr a adeusynt vynet ygyt ac
ef. ac ỽynt a deuthant y·gyt y|r ỻog a elwit argo.
Peỻeas vrenhin a|orchymynỽys dodi yn|y ỻog
yr hỽn a vei reit vdunt hỽy ac annoc a wnaeth
ef y Jason ac y baỽb o|r a athoed y·gyt ac ef gỽneuthur
yn ỽraỽl y|gỽeithret yr hỽn yr oedynt yn mynet
o|e achaỽs a|r hyn a|oed vedỽl gantunt y|wneuthur
yn gỽbyl. a|pheleas a|dywaỽt nyt arnam|ni y|mae
dangos heb ef y jason y|neb a vyno y|uynet y·gyt
ac ef y ynys golcos namyn y|neb a vynho adna+
bot ỻogwyr kyfarwyd a gỽyr deỽr kynuỻet y|hun
a|dewisset. Kanys clot oed ẏ gỽeithret hỽnỽ y|wyr
groec ac yn enwedic y Jason a|e getymdeithon ac
yna y|kerdaỽd ef y|r mor. ac wedy dyuot ohonaỽ
ef hyt yn troea y|r tir y deuth ef y|r borthua a
elwit simonenta ac oỻ ẏd aethant hỽy y|r tir. ac
yna y|datkanỽẏt hẏnẏ y|laomedon vrenhin ry dy+
uot ỻog ynryued y|r borthua simonenta. ac yn
hono ỻawer o weisson Jeueinc o|roec yndi. a|gỽedy
clybot ohonaỽ ef hẏnẏ kyffroi a|wnaeth ef yn vaỽr
ac ystyryaỽ y|bydei gyffredin berigyl y|r wlat. ybei
kanhattei ef y|wyr groec ỻetyaỽ yn|y gyuoeth
ef. ỽrth hẏnẏ yd anuones ef genadeu y|r borthua
y erchi y|wyr goroec enkil o|e deruyneu ef ac
onyt vuydheynt hỽy y eireu ef o nerth arueu
ef a|e gyrrei ỽynteu o|r ynys. a|thrỽm y kymerth
Jason a|e getymdeithon arnadunt greulonder
lamedon vrenhin pryt na wnelit treis idaỽ ef
yn|y wlat. Ac eissoes ofnokau a|wnaethant
| « p 1r | p 2r » |