LlGC Llsgr. 3036 (Mostyn 117) – tudalen 142
Brut y Brenhinoedd
142
Y calamistreit a wiscant amryualyon gnuoed. Ar
abit uchaf a arỽydoccaha y petheu o vyỽn. Traet
y rei a gyfarthont a|trychir. Hedỽch a|geiff y bỽyst+
uilet. dynolyaeth a doluryha poen. Ef a hollir fur+
yf y gyfnewit. hanher crỽn a|uyd. Ef a aballa cri+
b·deil y barcutanot. A danhed y bleideu a bylant.
Canawon y lleỽ a symudir yn vorolyon pyscaỽt.
Ac eryr hỽnnỽ a|wna y nyth ar vynyd yr ama. Gỽ+
yned a gocha o|e mamaỽl waet. A thy corineus a
lad y whe broder. o nossolyon dagreu y gỽlych
yr ynys. yna y gelwir paỽb ar pop peth. Y plant
a lauuryant ehedec ar oruchelder. canmaỽl peth+
eu newyd hagen a dyrchefir. Yr a vo guar yd ar+
gywedir o enwired yny wisco ef y tat. ỽrth hyn+
ny yd|escyn y mynyded y rỽymedic o danhed baed
coet a guascaỽt y penfestinyaỽc. llityaỽ a wna yr
alban; ac yny bo kytalwedic y hystlysseu; y llafur+
hya y dineu guaet. Y genoed hỽnnỽ y rodir frỽyn
yr hỽn a|wneir yn arffet lydaỽ. Eryr tor y gygreir
a eurha hỽnnỽ. Ac yn|y trydyd nyth y llawenhaa.
Yna y deffry canawon a aruthrant. Ac yny bỽynt
adaỽedigyon y llỽyneu o vyỽn muroed y keryd yd
helir. Aerua nyt bychan a|wnant o|r a|e gỽrthỽy+
neppo. A thauaỽt y teirỽ a|trychant. Mynygleu y
rei a vreuont a ỽrthtrymant o gadỽyneu. A heny+
on amseroed a atnewydant. Odyna o|r kyntaf yr
petweryd. o|r petweryd yr trydyd. o|r trydyd yr eil.
| « p 141 | p 143 » |