LlGC Llsgr. 3036 (Mostyn 117) – tudalen 164
Brut y Brenhinoedd
164
gared ti wneuthur amgen no hynny. rỽym ti ni a
honno a gỽna y dihenyd a uynhych o·honam. Ac ỽrth
hynny kyffroi ar warder a thrugared a wnaeth
emreis. Ac erchi kymryt kyghor ymdanunt
A guedy rodi o paỽb o·nadunt amryualyon gyg+
horeu. kyuodi a|wnaeth eidal escob kaer loyỽ.
a theruynu ar eu hymadrodyon val hyn. A gaba+
onite a doethant oc eu bod y erchi trugared y pobyl
yr israel. Ac ỽynt a|e caỽssant. Ac ỽrth hynny na
vydỽn waeth ninheu gristonogyon no|r idewon.
rodỽn udunt trugared. llydan ac ehalaeth yỽ yn+
nys prydein. A|llawer yssyd o·honei yn diffeith heb
neb yn|y chyfanhedu dan arwein tragywydaỽl
geithiwet y|danam ninheu. Ac ar hynny y trigy+
ỽyt. Ac yna o agreiff octa y|doeth ossa ar saesson
ereill a|ffoassynt y|geissaỽ trugared. Ac y caỽssant.
Ac yna y rodet udunt y|guladoed yg kylch yscot+
lont. Ac y kadarnhaỽyt kygreir ac ỽynt.
A Guedy goruot o emreis ar y saesson; galỽ a
oruc attaỽ y tywyssogyon. Ar ieirll a barỽ+
neit a marchogyon urdaỽl. Ar escyb ar holl yscol+
heigon o|r teyrnas hyt yg kaer efraỽc. A gorchy+
myn udunt atnewydhau yr eglỽysseu y rei ry|dar+
oed yr saesson eu distryỽ. Ac yna y kymyrth y
brenhin ar y gost e hun atnewydhau pop eglỽys
o|r a|uei archescobty ac|escobty trỽy y gyfoeth. Ac
ym pen y pymthecuetdyd guedy gossot seiri
| « p 163 | p 165 » |