LlGC Llsgr. Peniarth 11 – tudalen 110r

E R* ystorya honn a draetha y ỽrth y racwerthuaỽr lestyr

yr hỽnn a|elwir y greal. yn yr hỽnn yd erbynnywyt gỽa+

et yn creaỽdyr ni iessu grist yn|y dyd y rodet ef ar|brenn

y groc yr prynu y bobyl o geithiwet uffern. a joseph a|e|hysgrifen+

naỽd drỽy orchymun angel o|r nef. kanys duỽ a vynnaỽd gỽybot

gỽirioned drỽy y ysgrifennyat ef am y damwein hỽnnỽ. a heuyt drỽy

dystolyaeth y gỽyrda. ac a|vynnaỽd gỽybot o baỽp drỽy yr vn ryỽ

Joseph pa|delỽ y godefassant y|milwyr gynt poen a|thrauael yr dry+

chafel cret grist. yr|honn a atnewydaỽd crist drỽy angheu a|chroc+

edigaeth. a gỽybydet baỽp nat y ioseph hỽnn yỽ ioseph o arimathia ~ ~

E * Rann honn yr ydys yn|y dechreu yn enỽ y tat a|r mab a|r ys+

pryt glan. y tri pherson ynt yn vn gedernyt. a|r kedernyt

hỽnnỽ yỽ duỽ. ac o|duỽ y kychỽynnaỽd ystorya seint greal. a|chỽ+

bỽl o|r a|doeth o nef a|dyl* cadỽ ganthaỽ yr ymadrodyon hynn. ac ys+

gaelussaỽ pob ryỽ uileindra oc a|uo yn|y gallon. kanys ỽynt a|deu+

ant yn ỻes maỽr y baỽp o|r a|e|gỽarandaỽo o|gallon da. o achaỽs y

gỽyrda a|r ysgolheigyon da. y rei y clywir yman draethu o·honunt.

Joseph yssyd yn traethu yr ystorya|honn o achaỽs o* achaỽs* kened+

ylaeth marchaỽc urdaỽl da yr hỽnn a|vu gỽedy diodeifyeint yn

arglỽyd ni. a|hỽnnỽ milỽr da vu. kanys gỽyry oed o|e|gorff. diwe+

ir o|e vedỽl. ehofyn a gaỻuaỽc o gallon. a|phob camp da a|oed arnaỽ

heb neb ryỽ uileindra. Y·gyt a|hynny heuyt nyt oed dywedwydyat.

Ac ny thebygit ỽrthaỽ o|e weledyat y vot yn gyn|dewret ac yd|oed. Ac

o achaỽs vn parabyl a|ysgaelussaỽd y|dywedut y doeth ar vrytaen

vaỽr diryeidi a|chynnỽryf kymeint ac nat oed yndi nac ynys na

gỽlat na|dinas ny bei gỽedy eu govidyaỽ yn vaỽr. Eissyoes gỽedy