LlGC Llsgr. Peniarth 11 – tudalen 175v
Ystoriau Saint Greal
175v
namyn megys ac estraỽn. Paredur yna a edrychaỽd ar|y mar+
chaỽc. ac a|e gỽeles yn dec ac yn aduỽyn ac yn vaỽr. A|unbenn
h·eb·y paredur paraỽt ỽyf|i y|m amdiffyn yn erbyn yr hynn yr
ỽyt ti yn|y yrru arnaf. a|duỽ a|m|diangho rac gỽneuthur kyf+
ryỽ a hynny. a pharaỽt ỽyf y ymlanhau o|r gogan yr ỽyt yn
y yrru arnaf. Clamados yna a|gynnigyaỽd y wystyl. Myn
vyng|cret i heb y vrenhines ny|byd yma heno na roi gỽystyl na ̷
e gymryt. auory dyd a|daỽ a chynghor a|wneir. a phaỽp a geiff
kyfyaỽnder. Clamados yna a ymgyffroes o|diruaỽr lit ỽrth
baredur. a|r urenhines a|oed yn anrydedu paredur yn vỽyaf
ac y gaỻei. ac o achaỽs hynny yd oed glamados yn ỻidiaỽc. ac
yn|dywedut na dylyei neb ymdiryet y garyat o|e|hachaỽs|hi.
Eissyoes yd oed yn|y goganu hi yngkam. kanys tra|charyat
a|oed yn|y chymeỻ hi y hynny. a|heuyt hi a|wydyat y vot yn|o+
reu marchaỽc urdaỽl o|r|hoỻ vyt. a|e vot yn dynodus o bop gỽyt.
ac ar hynny yd|aethant y gysgu. A thrannoeth pan vu dyd ỽ+
ynt a gyfodassant ac a|aethant y warandaỽ offeren. a|phan
daruu gỽarandaỽ offeren nachaf varchaỽc yn aruaỽc o ̷
bop arueu yn dyuot y|myỽn. a tharyan wenn idaỽ. ac yn
gostỽng geyr bronn y vrenhines. ac yn dywedut. arglỽydes ~
heb ef mi a|deuthum yng|kỽn yma rac marchaỽc urdaỽl ar+
aỻ yssyd yman. gỽedy ỻad ohonaỽ vy ỻew. ac ony wney di
gyfyaỽnder a|mi. mi a|vydaf elyn ytti yn gymeint ac idaỽ
ynteu. ac a|th orthrymaf o|bob ffuryf ac y gaỻỽyf. ac o|r gỽ+
ney ditheu gyfyaỽnder a|mi. mi a|baraf y walchmei y|diolch
ytt. kanys gỽr idaỽ ef ỽyf|i. Pa|delỽ y gelwir y marchaỽc
hỽnnỽ heb hi. Nys gỽnn i arglỽydes heb ef. namyn myui
| « p 175r | p 176r » |