LlGC Llsgr. Peniarth 11 – tudalen 224r
Ystoriau Saint Greal
224r
brys maỽr arnaỽ ac yn aruaỽc o bop arueu. A gỽalchmei a o+
vynnaỽd idaỽ o ba|le yd oed yn|dyuot. Yd ỽyf heb ynteu yn|dy+
vot o wlat brenhines y|kylch eur. yr honn y kyuaruu a|hi
gouit maỽr. kanys mab y wreic wedỽ a eniỻaỽd y kylch e ̷+
ur y genthi. ac a|e gedewis y·gyt a|hi o|e gadỽ. Ac yr aỽr·honn
y doeth gỽr a|elwir nabigaỽns. ac a|e|duc y genthi. ac a|e ro+
es yn|ỻaỽ morỽyn. ac a|erchis y dwyn y gynnuỻeitua o var+
chogyon urdolyon a|thỽrneimant a|vyd yn ymyl pebyỻeu y dỽy
vorwyn. a|e roi a|wnaeth y|r goreu o|r tỽrneimant hỽnnỽ. a na ̷+
bigaỽns a|daỽ yno o|e enniỻ yr eilweith herwyd nerth y arueu.
Y marchaỽc a|aeth ymeith. ac arthur a|gỽalchmei a gerdassant
racdunt. yny doethant y|r pebyỻeu. o|r|ỻe y gỽaredaỽd gỽalch+
mei yr aruer drỽc y arnunt. ac yr oed y pebyỻ yn gyn gyweir+
yet ac y gwelsei walchmei gynt ~
G walchmei yna a beris y arthur eisted ar gylchet. a
diosc eu|harueu a|wnaethant. ac ymolchi. Gwalch+
mei a|roes y laỽ ar y gist a|oed is traet y gỽely ac a|e|kafas yn
agoret. a thynnu diỻat tec a|oruc ef odyno a|e gỽisgaỽ ymda+
nunt. a|phan|daruu udunt ỽy wisgaỽ ymdanunt. odit oed
gael deu wr degach noc oedynt. ac ar hynny nachaf y|mory+
nyon yn|dyuot y myỽn. Grassaỽ duỽ ỽrthywch heb·y gỽalch+
mei. Antur da a|rodo duỽ y chỽitheu heb ỽynt. Ef a|we+
lir y mi heb vn o|r morynyon dy uot ti yn kymryt yssyd
yma yn|hy heb gennat neb. ac ny eỻeist di eiryoet wneu+
thur dim o|n hadolwn* ni yrom. Ac nyt oes yn|y wlat honn
varchaỽc ny bei digrif ganthaỽ wneuthur yr hynn a|adoly+
[ gassom
| « p 223v | p 224v » |