LlGC Llsgr. Peniarth 190 – tudalen 123
Ystoria Lucidar
123
dybryt y geissyaỽ ỻesteiryaỽ da. megys
y darỻeir yn|diodeifyeint yr arglỽyd ual
yd|ymdangosses y diaỽl y wreic pilatus y
erchi idi na dihenydyit iessu. kanys ef a
wydyat y coỻei ef y uedyant o hynny aỻ+
an. Gỽeitheu ereiỻ y|gan dyn e|hun me+
gys yd ymdengys idaỽ drỽy y|hun yr
hynn a|welo neu a|glywo neu a vedylyo
odieithyr y hun. discipulus Bendigedic vo geir
duỽ a uenegis ymi y saỽl gyfrinacheu a
hynn drỽy dy enỽ ditheu. ~ ~ ~ ~ ~ Discipulus.
P Ei beidỽn i y ovyn ytt yr aỽr honn
mi a vynnỽn glywet peth am yr
anticrist. Magister Yn ỻawen yr anticrist. ym babi+
lon uaỽr y genir o buttein o genedyl dann
ac ef a gyflenwir o gythreulaeth yng
croth y vam. a hudolyon a|e magant yng
koziaim. ac ef a|vyd arglỽyd ar yr hoỻ
vyt. ac a darostỽng yr hoỻ dynaỽl ber+
son idaỽ o|bedwar|mod. Yn gyntaf y da+
rostwng y bonhedigyon o rodi udunt
oludoed y rei a vydant amyl idaỽ ef.
| « p 122 | p 124 » |