LlGC Llsgr. Peniarth 190 – tudalen 96
Ystoria Lucidar
96
ac ny dichaỽn neb vyỽ vn voment hỽy no
hynny. megys y dywedir. Ti a ossodeist eu
teruyneu y rei ny aỻant vynet heibyaỽ. Ef
a|dichaỽn marw hagen o lawer o ffyrd
kynno|e deruyn. ae o|e lad ac arueu. ae o
vỽystvileit. ae o|e wenỽynaỽ. ae o|e|grogi. ae
o|e losgi. ae o|e vodi. Megys y dichaỽn kyfloc+
was drỽc haedu o|e drycdeuodeu dỽyn y
gyfloc a|e yrru ymeith kyn·no|r oet. discipulus Praỽf.
Magister|Duỽ a|duc meibyon yr israel o|r eifft
y rodi udunt y tir adawedic. ac o achaỽs
eu pechodeu ny|s caỽssant. namyn kynn
eu dyuot yno y dygỽydassant oỻ yn|y
diffeith. discipulus Ae pechaỽt y|r braỽtwyr boeni
dynyon cam·gylus. Magister|Pechaỽt yỽ ony|s
poenant kanys ỽynt a|ossodet yn dialwyr
enwired duỽ yn|y ỻe hỽnnỽ. discipulus Ae pechaỽt
y|r gỽassanaethwyr dihenydyu y rei cam+
gylus gỽedy y harcho y braỽtwyr udunt.
Magister|Nac ef. namyn ymolchi y maent yng
gỽaet y pechaduryeit. discipulus Beth am y|rei
a|dalyer yna yn gỽneuthur drỽc. ac a
| « p 95 | p 97 » |