LlGC Llsgr. Peniarth 45 – tudalen 234
Brut y Brenhinoedd
234
gallỽys y bu uarỽ hi rac y ouyn ef. A duỽ a
alwaf uinheu am heneint yn tystollaeth ry
dỽyn treis ohonaỽ ef arnaf uinheu wedy
hynny. Ac ỽrth hynny fo ti uyg karedic i rac
ouyn y dyuot ef yn herwyd y gynneuaỽt
y gydyaỽ a|miui. Ath|odiwes ti yn|y wed hon
a threulaỽ blodeu dy ieuegtit a|th lad. A|thru+
anhau a|oruc ynteu ỽrthi ac adaỽ canhorthỽy
idi. A dyuot at y gedymdeithon a menegi u+
dunt ar welsei. A chỽynaỽ a oruc arthur uar+
wolaeth y uorỽyn. Ac erchi y adu ef o|r bla+
en y ymlad ar caỽr. Ac o gwelynt bot yn re+
it idaỽ dyuot yỽ canhorthỽy. A phan deuant
parth|a phen y mynyd nachaf y gwelynt y
caỽr a|bereideu o gic moch coet gantaỽ yn eu
pobi ac yn eu hyssu yn lled|amrỽt. Ac gỽedy
arganuot o·honaỽ y gwyr yn dyuot yn di+
rybud. Bryssyaỽ a oruc y gymryt y fon. Ky+
meint hagen oed y fon ac yd oed abreid yr
deu uilỽr deỽrhaf y dyrchauel y ỽrth y llaỽr.
A dispeilaỽ cledyf a oruc arthur a dyrchauel
y taryan a|e kyrchu kyn dyrchauel y fon
ac nyt oed lesc ynteu neur daroed idaỽ dyr+
chauel y fon a tharaỽ dyrnaỽt ar taryan
arthur yny clywit yn seinyaỽ dros ỽyneb
| « p 233 | p 235 » |