LlGC Llsgr. Peniarth 45 – tudalen 47
Brut y Brenhinoedd
47
uas o caryat y gan y tywyssogyon hynny ar bre+
nhin a gwyrda y teyrnas ac nat oed eil gỽr nes
yr brenhin noc ef yny oed euo a|luneithei y teyr+
nas. Sef kyuryỽ ỽr oed Bran. Tec oed o pryt
a gosged a doeth a dosparthus ac ethrilythus ỽrth
gỽn ac adar mal y dylyei teyrn. Ar tywyssaỽc
a gauas yn|y gyghor rodi un uerch oed idaỽ
yn freinc yn wreic y Bran ac ony bei etiued i+
daỽ canhadu y Bran y gyuoeth gan y uerch
o|r bei hyn noc ef. Ac o|r bei idaỽ ynteu adaỽ porth
y Bran y oresgyn y gyuoeth e hun a hynny o gyt+
duundeb y wyrda. Ac odyna ny bu ben y ulỽyd+
yn yny uu uarỽ segyn tywyssaỽc byrgwin
ar gwyr a garei Bran gynt yn uaỽr ny bu an+
haỽd gantunt estỽng y ỽrhau idaỽ. Ac gỽedy
tynnu paỽb yn un uedỽl ac ef. Medylyaỽ a or+
uc dial ar Beli y uraỽt y sarhaet. Ac yna o|gy*+
hor y wyrda kygreiryaỽ a freinc mal y kai yn
hedỽch gerdet trỽydunt a|e lu hyt yn traeth
flandrys. Ac gỽedy eu dyuot hyt yno. Hỽyly+
aỽ yny doethant ynys. prydein. A phan doeth y chwedel
ar Beli. kynnullaỽ a|wnaeth ynteu ieuegtit
ynys. prydein. a dyuot yn|y erbyn. A phan welas Ton+
wen eu mam y bydinoed yn chwanaỽc y ym+
gyuaruot. Bryssyaỽ a wnaeth hitheu trỽy er+
gry
| « p 46 | p 48 » |