LlGC Llsgr. Peniarth 45 – tudalen 65
Brut y Brenhinoedd
65
wedut udunt uot y weilgi yn llaỽn o lyng+
hes gan Caswallaỽn yn|y ymlit. Ac ỽrth
hynny gleỽach oed y freinc y ỽrthlad o|e ter+
uyneu. Ac gỽedy gwelet o ulkassar hyn+
ny. ymgallau a oruc ynteu ac ny mynnỽ+
ys ymlad ar pobyl creulaỽn honno. Namyn
agori y trysaỽr. A rodi y paỽb amylder eur
ac aryant a bodhau y bonhedigyon ar dy+
ledogyon a|e tangnhouedu a|e dỽyn yn un
ac ef. Ac adaỽ y paỽb eu breint a|e dylyet
a|e rydit yr saỽl a|e collassei. Ar gỽr a|oed
gynt yn antrugaraỽc megys lleỽ lluch+
edennaỽl gỽedy y hyspeilyaỽ ac eu treis+
saỽ. yr aỽrhon yd oed hỽnnỽ megys o+
en gwaredaỽc. yn adaỽ eturyt udunt
pob peth drachefyn. Ac ny orffỽyssỽys
o|r gwaredogrỽyd hỽnnỽ yny duc paỽb
yn un ac ef. Ar amser hỽnnỽ nyt oed ym+
didan namyn am fo ulkassar gan paỽb
a|budugollaeth y bryttanneit.
AC ym pen y dỽy ulyned eilweith. pa+
ratoi llyghes a|oruc y geissaỽ dial ar
caswallaỽn y sarhaet ar wnathoed idaỽ
a phan gigleu caswallaỽn. hynny Cadarn+
hau y kestyll a oruc ac adeilat ereill o ne+
| « p 64 | p 66 » |