LlGC Llsgr. Peniarth 46 – tudalen 146
Brut y Brenhinoedd
146
hep arglỽyd heb ef y|gỽas Jeuanc hỽn
gỽedy yr danuon o duỽ yt. ac a|henyỽ
o|ruueinyaỽl amherodron a|brenhinoly+
on uryttannyeit. ac y hỽnnỽ o|m kyg ̷ ̷+
hor i y rody di dy|uerch. a|th gyuoeth gỽe+
dy ti. a|heuyt edrych di uot yn gystal
y|dyly·et ar yr ynys honn a|r teu di. ca ̷+
nys car agos yỽ y custennyn. a nei y coel
yn brenhin ninheu. ac y uerch y|gỽr hỽn+
nỽ nyt oes gỽarauun o dylyet. y|uren+
hinaeth. ac eissoes uuudhau a oruc eu+
daf ỽrth y|kyghor hỽnnỽ. a rodi elen y
uerch a|e teyrnnas genti y uaxen uab
llyỽelyn. a gỽedy gỽelet hynny o gynan
meirydaỽc. llidyaỽ a|oruc ynteu yn uỽy
no meint. a mynet odyno parth a|r al ̷ ̷+
ban. a|chynnullaỽ llu diruaỽr y|ueint
gantaỽ a|dechreu ryuelu ar uaxen. ~
A C yna y|doeth ef a|r llu hỽnnỽ trỽy
humyr. ac anreithaỽ y|gỽladoed o
bop parth. a gỽedy menegi hynny y|uaxen.
| « p 145 | p 147 » |