LlGC Llsgr. Peniarth 46 – tudalen 352
Brut y Brenhinoedd
352
onadunt [ ac yna y|rodes catỽallawn. ganyat
y|peanda y|ryuelu ar osỽi. a|chychỽyn a|oruc
peanda a|llu maỽr gantaỽ ar torr osỽi. ac
anreithaỽ y|ỽlat a|e llosci. a chynnull a|oruc
osỽi laỽer o eur ac aryant. a|thlysseu y|ro+
di y|peanda yr peidaỽ a|ryuelu. a|gỽedy na
mynnei dim y|gantaỽ kynocni duỽ a|ỽna+
eth ac ef. a rodi cat ar|uaes idaỽ ar|lann
yr auon a elỽir ỽinued. ac yna y|llas pean+
da ar|y|decuet ar|hugeint o|tyỽyssogyonn.
a gỽedy llad peanda y|rodes catỽallawn y gyfo+
eth ef y uluryc y|uab ynteu. ac y|kymyrth
hỽnnỽ eba. ac edbeit tyỽyssogyon mers
a|ryuelu yn erbyn osỽi. ac o|r diỽed y|kym+
ot a|oruc catỽallawn. [ ac ỽyth mlyned a|deu ̷+
geint ỽedy goruot o gatỽallawn. y bu yn gỽle+
dychu. ac gỽedy yr yspeit hỽnnỽ y kleuych+
ỽys catỽallawn o|heneint a gỽander. ac y|bu ua+
rỽ. ym|pymthecuettyd o|uis tachỽed. a|e gorff
a|irỽyt ac ireideu gỽerthuaỽr. ac y do·das+
sant y|myỽn delỽ o|euyd ar|y|lun e|hun o|an+
rydedued geluydit. a chyỽreinrỽyd. ac y
gossodet ar delỽ march o euyd uch benn y|porth
y|tu
| « p 351 | p 353 » |