LlGC Llsgr. Peniarth 46 – tudalen 89
Brut y Brenhinoedd
89
at casỽallawn. a gỽedy cael ohonaỽ y|dam+
nnedic ỽynt. dyrchauel hỽyleu a|ỽn+
naethant. a|dyuot y|aber temys y|r|tir.
a|dechreu a oruc casỽallaỽn kunullaỽ
holl gedernyt ynys. prydein. gantaỽ a|dyuot
yn eu herbyn. ef a|e deu nyeint. aua ̷ ̷+
rỽy tyỽyssaỽc llundein. a|theneuan
tyỽyssaỽc kernyỽ. a chreidu urenhin
prydein. a gỽerthaet urenhin gỽyned
a brythael urenhin dyuet. ac y am hyn+
ny ieirll. a barỽneit. a marchogyon ur+
dolyon. a chyrchu a|ỽnaethant ulkassar
yn|y bebylleu kynn y dyuot y|r|ỽlat.
kany tebyckynt hỽy bot yn anhaỽs y
ỽrthlad ef gỽedy caffei ae kestyll. ae|di+
nessyd. a gỽedy lluneithaỽ eu|bindinoed
kyrchu a|ỽnaethant ỽyr ruuein yn di ̷ ̷+
annot yn|y pebylleu. ac yna y|bu kynn
galetet y|urỽydyr yny oed y|tyỽeirch
yn redec o|r gỽaet mal|pei delei deheuỽynt
y|todi eiry a|reỽ. ac val yd oedynt yn yr
| « p 88 | p 90 » |