LlGC Llsgr. Peniarth 47 rhan i – tudalen 19
Ystoria Dared
19
ant y agamemnon a|e gyt·uarchogyon.
ac wynt a|e kannmollassant am hynny.
yg kyfrỽg y|petheu hynny y|kennadeu a|do+
ethant at priaf vlixes a|venegis kennadỽri
agamemnon vrenhin. ac adolỽc talu elen
a|e hanreith y|ỽyr groec. a|gỽneuthur yaỽn
vdunt am eu sarhaeudeu. a|gadel vdunt
fynet yn tagneuedus tra|e keuen. Priaf a|duc
ar gof sarhaedeu mordỽyỽyr argos. ac
agheu laomedon y|tat. ac anreithaỽ troia
a chethiỽet esionia y|chỽaer. ac yn|y|diỽed
ry anuon ohonaỽ antenor ar|y|gennat y
roec y|adolỽyn gỽneuthur yaỽn. a|e ry|tra+
ethu yn engiryaỽl yno. ac am hynny
gỽrthot a|oruc ef hedỽch. a|pheri kriaỽ ry+
uel. ac erchi gỽrthlad kennadeu y|groe+
gusson o|e teruyneu. Y|kennadeu a|ymcho+
lassant y|castell tenedon y|venegi yr at ̷ ̷+
teb a|gaỽssynt. ac y|ymgyghori.
Y N borth y|briaf yn erbyn gỽyr gro+
ec y doethant y|tyỽyssogyon hynn.
ffindartus. ac amphidrascus o|selia. [ ac
| « p 18 | p 20 » |